બર્મિંઘમઃ  બાબર આઝમ (101*) અને હારિસ સોહેલ (68)ની વિજયી ભાગીદારીની મદદથી પાકિસ્તાને અહીં રમાયેલી વિશ્વકપ-2019ની 33મી મેચમાં ન્યૂઝીલેન્ડને વિકેટે પરાજય આપીને સેમિફાઇનલની આશા જીવંત રાખી છે. ટોસ જીતીને ન્યૂઝીલેન્ડે 50 ઓવરમાં 6 વિકેટ ગુમાવી 237 રન બનાવ્યા હતા. જેના જવાબમાં પાકિસ્તાને 49.1 ઓવરમાં 4 વિકેટ ગુમાવી લક્ષ્ય હાસિલ કરી લીધો હતો. 


COMMERCIAL BREAK
SCROLL TO CONTINUE READING

આ જીતની સાથે પાકિસ્તાનની ટીમ પોઈન્ટ ટેબલમાં છઠ્ઠા સ્થાને પહોંચી ગઈ છે. પાકિસ્તાનના 7 મેચોમાં 7 પોઈન્ટ થઈ ગયા છે. જ્યારે ન્યૂઝીલેન્ડની ટીમ 7 મેચમાં 5 વિજય અને એક પરાજય સાથે કુલ 11 પોઈન્ટ મેળવીને પોઈન્ટ ટેબલમાં બીજા સ્થાને છે. 

ન્યૂઝીલેન્ડના ઓપનરોનો ફ્લોપ-શો જારી
આ વિશ્વકપમાં ન્યૂઝીલેન્ડનાં બંન્ને ઓપનરો માર્ટિન ગુપ્ટિલ અને કોલિન મુનરોનું પ્રદર્શન ખાસ રહ્યું નથી. આ મેચમાં પણ માર્ટિન ગુપ્ટિલ (5) રન બનાવી આમિરની બોલિંગમાં બોલ્ડ થયો હતો. ત્યારબાદ કોલિન મુનરો (12)ને શાહિન આફ્રિદીએ પેવેલિયન પરત મોકલી આપ્યો હતો. અનુભવી બેટ્સમેન રોસ ટેલર (3) રન બનાવી શાહિન આફ્રિદીનો શિકાર બન્યો હતો. તો ટોમ લાથમ માત્ર 1 રન બનાવી શાહિન આફ્રિદીની બોલિંગમાં આઉટ થયો હતો. ન્યૂઝીલેન્ડે 46 રનના સ્કોર પર ચાર વિકેટ ગુમાવી દીધી હતી. કેન વિલિયમસન 41 રન બનાવી આઉટ થયો હતો. 


ડિ ગ્રાન્ડહોમ-નીશમે ન્યૂઝીલેન્ડને સન્માનજનક સ્કોર સુધી પહોંચાડ્યું
ન્યૂઝીલેન્ડે 83 રન પર પાંચ વિકેટ ગુમાવી દીધી હતી. ત્યારબાદ જેમ્સ નીશમ અને કોલિન ડિ ગ્રાન્ડહોમે શાનદાર બેટિંગ કરતા ટીમને 200ને પાર પહોંચાડી હતી. બંન્નેએ છઠ્ઠી વિકેટ માટે 128 બોલમાં 132 રનની ભાગીદારી કરી હતી. કોલિન ડિ ગ્રાન્ડહોમ 71 બોલમાં 64 રન બનાવી રનઆઉટ થયો હતો. તેણે પોતાની ઈનિંગમાં 6 ચોગ્ગા અને એક છગ્ગો ફટકાર્યો હતો. જેમ્સ નીશમ 112 બોલમાં 3 છગ્ગા અને 5 ચોગ્ગાની મદદથી 97 રન બનાવી અણનમ રહ્યો હતો. 


શાહિન આફ્રિદીની ત્રણ વિકેટ
પાકિસ્તાન તરફથી યુવા ફાસ્ટ બોલર શાહિન આફ્રિદીએ શાનદાર બોલિંગ કરી હતી. તેણે 10 ઓવરમાં 3 મેડન સાથે 28 રન આપીને ત્રણ વિકેટ ઝડપી હતી. તેણે કોલિન મુનરો, રોસ ટેલર અને ટોમ લાથમને પેવેલિયનનો રસ્તો દેખાડ્યો હતો. 



પ્લેઇંગ XI 
ન્યૂઝીલેન્ડઃ કોલિન મુનરો, માર્ટિન ગુપ્ટિલ, કેન વિલિયમસન, રોસ ટેલર, ટોમ લાથમ, જેમ્સ નીશામ, કોલિન ડિ ગ્રાન્ડહોમ, મિશેલ સેન્ટનર, મેટ હેનરી, લોકી ફર્ગ્યુસન, ટ્રેન્ટ બોલ્ટ.


પાકિસ્તાનઃ ફખર જમાન, ઇમામ ઉલ હક, બાબર આઝમ, મોહમ્મદ હફીઝ, સરફરાઝ અહમદ, હારિસ સોહેલ, ઇમાદ વસીમ, શાદાબ ખાન, શાહિન આફ્રિદી, વહાબ રિયાઝ, મોહમ્મદ આમિર.  


ભારત સામે હાર્યા બાદ આલોચનાનો સામનો કર્યા બાદ પાકિસ્તાની ટીમે પોતાની છેલ્લી મેચમાં દક્ષિણ આફ્રિકાને 49 રને પરાજય આપ્યો હતો. પરંતુ તેનો આગળનો માર્ગ મુશ્કેલ છે. પાકિસ્તાન બે જીત અને ત્રણ હાર બાદ છ મેચોમાં પાંચ પોઈન્ટ સાથે ટેબલમાં સાતમાં સ્થાને છે. સરફરાઝ અહમદ અને તેની ટીમે હવે ન માત્ર બાકીની ત્રણેય મેચોમાં વિજય મેળવવો પડશે, પરંતુ બીજી મેચોના પરિણામ પણ અનુકૂળ આવે તેવી પ્રાર્થના કરવી પડશે. પાકિસ્તાન આક્રમણની કમાન મોહમ્મદ આમિર સંભાળી રહ્યો છે જેણે 15 વિકેટ ઝડપી છે. પરંતુ બીજી તરફ અન્ય બોલરોનો સાથ મળ્યો હતો. પ્રથમ મેચ બાદ બહાર કરવામાં આવેલા હારિસ સોહેલે છેલ્લી મેચમાં વાપસી કરતા 89 રન ફટકાર્યા હતા. શાદાબ ખાન અને વહાબ રિયાઝે પણ ત્રણ-ત્રણ વિકેટ ઝડપી હતી. આ મેચમાં બોલરો અને બેટ્સમેનો મળીને સારૂ પ્રદર્શન કરવામાં સફળ રહ્યાં, પરંતુ પાકિસ્તાનની ફીલ્ડિંગ ચિંતાનો વિષય છે. 


બીજીતરફ ન્યૂઝીલેન્ડ અત્યાર સુધી અજેય છે અને તેના છ મેચોમાં 11 પોઈન્ટ છે. કેપ્ટન કેન વિલિયમસને મોર્ચાની આગેવાની કરીને સંકટમોચકની ભૂમિકા નિભાવી છે. આફ્રિકા અને વેસ્ટ ઈન્ડિઝ વિરુદ્ધ તેણે સદી ફટકારીને ટીમને જીત અપાવી હતી. રોસ ટેલરે પણ રન બનાવ્યા છે, પરંતુ માર્ટિન ગુપ્ટિલ અને કોલિન મુનરો મોટી ઈનિંગ રમવમાં નિષ્ફળ રહ્યાં છે. બોલિંગમાં લોકી ફર્ગ્યુસન અને ટ્રેન્ટ બોલ્ડ પણ સારા ફોર્મમાં છે. આ સિવાય જેમ્સ નીશામ અને કોલિન ડિ ગ્રાન્ડહોમ પણ ઓલરાઉન્ડરની ભૂમિકામાં ઉપયોગી સાબિત થયા છે. કીવી ટીમ નિર્ધારિત સમયમાં ઓવર પૂરી કરવામાં નિષ્ફળ રહી છે અને વધુ એક મેચમાં આમ થશે તો વિલિયમસન પર પ્રતિબંધ લાગી શકે છે.