જેના પર બધાને આશા હતી એ યુવા ક્રિકેટર પર લાગી ગયો પ્રતિબંધ! ICCએ આ કારણસર કરી કડક કાર્યવાહી
ICC Rules: આઈસીસીએ 26 વર્ષીય શ્રીલંકાના બોલર પર એક વર્ષનો પ્રતિબંધ લગાવ્યો છે. આ ખેલાડીએ આઈસીસી ભ્રષ્ટાચાર વિરોધી સંહિતાની કલમ 2.4.7નું ઉલ્લંઘન કર્યું હોવાનું સ્વીકાર્યું છે.
Praveen Jayawickrama: ક્રિકેટની રમતમાં અનેક કડક નિયમો પણ બનાવવામાં આવેલાં છે. કારણકે, આ નિયમોના સહારે ક્રિકેટનું માન સન્માન જળવાઈ રહ્યું છે. ત્યારે હાલમાં જ શ્રીલંકાના એક ક્રિકેટર સામે આસીસી દ્વારા લેવામાં આવ્યાં છે કડક પગલાં...ઈન્ટરનેશનલ ક્રિકેટ કાઉન્સિલ (ICC) એ શ્રીલંકાના ડાબોડી સ્પિનર પ્રવીણ જયવિક્રમા પર એક વર્ષનો પ્રતિબંધ લગાવી દીધો છે. જયવિક્રમાએ ICCના ભ્રષ્ટાચાર વિરોધી કોડનું ઉલ્લંઘન કર્યું હતું. એક વર્ષના પ્રતિબંધ દરમિયાન તેને છેલ્લા 6 મહિના માટે સસ્પેન્ડ કરવામાં આવશે.
ઓગસ્ટમાં ICCએ જયવિક્રમા પર ભ્રષ્ટાચાર વિરોધી સંહિતાના બે ઉલ્લંઘનનો આરોપ લગાવ્યો હતો. જયવિક્રમાએ કોડની કલમ 2.4.7નું ઉલ્લંઘન કર્યું હોવાનું કબૂલ્યું છે, જે ACU (એન્ટી કરપ્શન યુનિટ) દ્વારા તપાસમાં અવરોધ અથવા વિલંબથી સંબંધિત છે.
ICC અનુસાર, જયવિક્રમા સામેના આરોપો આંતરરાષ્ટ્રીય ક્રિકેટ અને લંકા પ્રીમિયર લીગ (LPL) સાથે સંબંધિત છે. તે એલપીએલની 2021 સીઝનમાં જાફના કિંગ્સ માટે રમ્યો હતો, જેણે બીજી વખત ટાઇટલ જીત્યું હતું. આ વર્ષે તેણે દામ્બુલા સિક્સર્સનું પ્રતિનિધિત્વ કર્યું હતું. તે છેલ્લે જૂન 2022માં શ્રીલંકા માટે રમ્યો હતો, જે T20 આંતરરાષ્ટ્રીય મેચ હતી.
આવી જ જયવિક્રમાની આંતરરાષ્ટ્રીય કારકિર્દી છે-
પ્રવીણ જયવિક્રમાએ તેની આંતરરાષ્ટ્રીય કારકિર્દીની શરૂઆત ટેસ્ટ ક્રિકેટથી કરી હતી. તેણે 2021માં બાંગ્લાદેશ સામેની હોમ ટેસ્ટ સિરીઝમાં ડેબ્યૂ કર્યું હતું. તે જ વર્ષે તેણે તેની પ્રથમ ODI અને T20I પણ રમી હતી. જયવિક્રમાએ શ્રીલંકા માટે કુલ 15 મેચ રમી છે. આ દરમિયાન તેણે 32 વિકેટ ઝડપી છે. ટેસ્ટ ક્રિકેટમાં તેણે 5 મેચમાં 25 વિકેટ લીધી છે. ODI અને T20I ની સમાન સંખ્યામાં, તેની પાસે અનુક્રમે 5 અને 2 વિકેટ છે.