જાડેજા નહીં તો કોણ..? ચેમ્પિયન્સ ટ્રોફી સ્ક્વોડ માટે કોકડું ગુંચવાયું, આ ખેલાડીઓમાં જોરદાર ટક્કર

Champions Trophy 2025: ચેમ્પિયન્સ ટ્રોફી 2025 ખૂબ જ ચર્ચાનું કેન્દ્ર બની છે. મીડિયા રિપોર્ટ્સ અનુસાર 12 જાન્યુઆરી સુધીમાં મેગા ઈવેન્ટ માટે ટીમ ઈન્ડિયાની તસવીર સ્પષ્ટ થઈ જશે. ભારતીય ટીમમાં સ્ક્વોડ માટે કેટલાક દિગ્ગજ ખેલાડીઓ વચ્ચે માટે અદ્ભુત રેસ હોય તેવું લાગી રહ્યું છે. આ યાદીમાં એક સ્ટાર ખેલાડી પણ સ્ટાર ઓલરાઉન્ડર રવિન્દ્ર જાડેજાને ટક્કર આપતો જોવા મળશે. ચાલો આંકડાઓ પરથી સમજીએ કે રવિન્દ્ર જાડેજા ચેમ્પિયન્સ ટ્રોફી માટે ફિટ હશે કે નહીં.

સિલેક્ટરોને કરવી પડશે માથાકૂટ
સિલેક્ટરોને ચેમ્પિયન્સ ટ્રોફી માટે ટીમની પસંદગી કરતી વખતે કેટલાક નામો પર માથાકૂટ કરવી પડશે. જેમાં કેએલ રાહુલ, મોહમ્મદ શમી અને રવિન્દ્ર જાડેજાનો સમાવેશ હશે. વર્લ્ડ કપ 2023ની સરખામણીમાં ચેમ્પિયન્સ ટ્રોફીની ટીમ સંપૂર્ણપણે બદલાઈ શકે છે. ફાઈનલ પછી ભારતે છ વનડે રમી છે જેમાં શમી અને જાડેજાને આરામ આપવામાં આવ્યો હતો પરંતુ રાહુલને દક્ષિણ આફ્રિકાના પ્રવાસ પર રમવાની તક મળી હતી. પરંતુ શ્રીલંકા સામેની વનડે સિરીઝમાંથી રાહુલને ટીમમાંથી બહાર કરવામાં આવ્યો હતો.

યશસ્વીની થશે એન્ટ્રી?
એવું માનવામાં આવે છે કે, યશસ્વી જયસ્વાલને વનડે ડેબ્યૂ આપવામાં આવી શકે છે. આ સાથે ટોપ ચારમાં ડાબોડી બેટ્સમેન હશે. જો વિકેટકીપિંગ માટે ઋષભ પંત પ્રથમ પસંદગી હોય તો રાહુલને બેકઅપ તરીકે રાખવાનો કોઈ અર્થ નથી. જો રાહુલ વિકેટ કીપિંગ ન કરી રહ્યો હોય તો તે બેટ્સમેન તરીકે ટીમમાં સંપૂર્ણ રીતે ફિટ નથી. આ ઉપરાંત ઈશાન કિશને વિજય હજારે ટ્રોફીમાં રન બનાવ્યા ન હતા. સંજુ સેમસનનું સ્થાન પણ રિસ્કથી ભરેલું છે.

જાડેજાને કોણ આપશે ટક્કર?
સફેદ બોલના ફોર્મેટમાં જાડેજાનું ફોર્મ એટલું સારું રહ્યું નથી અને સૂત્રોનું માનવું છે કે પસંદગી સમિતિને અક્ષર પટેલને વનડેમાં વધુ સારો વિકલ્પ લાગે છે. વોશિંગ્ટન સુંદરની પસંદગી નિશ્ચિત જણાય છે, પરંતુ સિલેક્ટરો કુલદીપ યાદવની ફિટનેસ પર નજર રાખી રહ્યા છે. ફાસ્ટ બોલર મોહમ્મદ શમીની પણ આવી જ હાલત છે, બધા તેની વાપસીની રાહ જોઈ રહ્યા છે. જો તે ફિટ હશે તો તે ચોક્કસપણે ટીમનો ભાગ બનશે.

ક્યારે શરૂ થશે ટુર્નામેન્ટ?
BCCIએ ચેમ્પિયન્સ ટ્રોફી માટે ટીમ ઈન્ડિયાને પાકિસ્તાન મોકલવાનો ઈન્કાર કરી દીધો હતો. જ્યારબાદ ICCએ આ ટૂર્નામેન્ટ હાઇબ્રિડ મોડલ પર આયોજિત કરવાનો નિર્ણય કર્યો. આ ટુર્નામેન્ટ 19મી ફેબ્રુઆરીથી શરૂ થશે અને ટીમ ઈન્ડિયા 22મી ફેબ્રુઆરીએ પ્રથમ મેચ રમશે.

ટીમ ઈન્ડિયાની સંભવિત ટીમ
રોહિત શર્મા (કેપ્ટન), શુભમન ગિલ, યશસ્વી જયસ્વાલ, વિરાટ કોહલી, કેએલ રાહુલ, ઋષભ પંત, હાર્દિક પંડ્યા, અક્ષર પટેલ, વરુણ ચક્રવર્તી અથવા રવિ બિશ્નોઈ, વોશિંગ્ટન સુંદર, જસપ્રિત બુમરાહ, મોહમ્મદ સિરાજ, અર્શદીપ સિંહ, અવેશ ખાન અથવા મોહમ્મદ શમી , રિંકુ સિંહ અથવા તિલક વર્મા.