500 ટીવી ચેનલ જુઓ ફ્રીમાં... BSNLને ગુજરાત સહિત આ રાજ્યમાં શરૂ કરી ખાસ સર્વિસ

BSNL IFTV Service: BSNLએ તાજેતરમાં કેટલાક રાજ્યોમાં તેની ઈન્ટરનેટ પ્રોટોકોલ-આધારિત IFTV સર્વિસ શરૂ કરી છે, જેના દ્વારા યુઝર્સ મફતમાં 500થી વધુ લાઈવ ટીવી ચેનલો જોઈ શકશે. આ માટે તમારે કોઈ સેટ-ટોપ બોક્સની જરૂર નથી. સરકારી ટેલિકોમ કંપનીનું કહેવું છે કે, સબ્સક્રાઈબર બ્રોડબેન્ડ કનેક્શન દ્વારા HD ક્વોલિટીમાં લાઈવ ટીવી ચેનલોનો આનંદ માણી શકો છે. ખાસ વાત એ છે કે તમે આ IFTV સર્વિસનો ઉપયોગ તમારા જૂના ટીવી પર પણ કરી શકો છો પરંતુ આ માટે તમારે ફાયર સ્ટિકની જરૂર પડશે. કંપનીએ હવે આ ખાસ સર્વિસ કેટલાક રાજ્યોમાં પણ શરૂ કરી છે. ચાલો તેના વિશે જાણીએ…

આ રાજ્યોમાં પણ શરૂ થઈ ખાસ સર્વિસ
કંપનીએ આ સર્વિસને હવે સત્તાવાર રીતે ગુજરાત ટેલિકોમ સર્કલમાં આ સેવા શરૂ કરી છે. કંપનીએ તેના X હેન્ડલ પર આ માહિતી આપી છે. એટલું જ નહીં, આ સર્વિસનો આનંદ તમે મધ્ય પ્રદેશ, તમિલનાડુ અને પંજાબમાં પણ માણી શકો છો. પંજાબ સર્કલમાં BSNLએ આ પહેલ માટે SkyPro સાથે ભાગીદારી કરી છે. કંપનીએ ગયા વર્ષે આયોજિત ઈન્ડિયા મોબાઈલ કોંગ્રેસ (IMC) દરમિયાન સૌથી પહેલા આ સર્વિસ જાહેરાત કરી હતી. સરકારી ટેલિકોમ કંપનીએ થોડા સમય પહેલા પુડુચેરીમાં તેમની ડાયરેક્ટ-ટુ-મોબાઈલ (D2M) સર્વિસ પણ શરૂ કરી છે, જેને BiTVના નામે રજૂ કરવામાં આવી છે, જેની મદદથી તમે મોબાઈલ પર 300થી વધુ લાઈવ ટીવી ચેનલો જોઈ શકો છો.

Hon'ble @CMDBSNL launched today #IFTV service in Gujarat circle, bringing a new era of seamless connectivity and digital entertainment.#BSNL redefines home entertainment with IFTV – India’s First Fiber-Based Intranet TV Service with access to 500+ live channels and premium Pay… pic.twitter.com/SBi6Em9R1W

— BSNL India (@BSNLCorporate) January 7, 2025

નહીં આપવા પડે એક્સ્ટ્રા રૂપિયા
BSNLની વધુ એક સોશિયલ મીડિયા પોસ્ટ અનુસાર IFTV સર્વિસ સારી કનેક્ટિવિટી અને ડિજિટલ મનોરંજનનું વચન આપે છે. તે ભારતની પ્રથમ ફાઈબર-આધારિત ઈન્ટરનેટ ટીવી સર્વિસ છે, જે યુઝર્સને બફરિંગ વિના ક્લિયર ક્વાલિટીમાં 500થી વધુ લાઈવ ટીવી ચેનલો અને પ્રીમિયમ પે-ટીવી કન્ટેન્ટનો આનંદ માણવાની સુવિધા આપે છે. ખાસ વાત એ છે કે BSNL ભારત ફાઈબર યુઝર્સ કોઈપણ વધારાના ખર્ચ વિના IFTV સર્વિસનો આનંદ માણી શકશે.

4G અને 5G પણ આવવા માટે તૈયાર
એટલું જ નહીં, BSNL આ વર્ષના અંત સુધીમાં દેશમાં તેની 4G અને 5G સેવાઓ શરૂ કરવાની યોજના બનાવી રહ્યુ છે. આ માટે કંપની દેશભરમાં 100,000થી વધુ નવા મોબાઇલ ટાવર સ્થાપિત કરી રહી છે, જેમાંથી 60 હજારથી વધુ ટાવર પહેલેથી જ ઇન્સ્ટોલ થઈ ચૂક્યા છે. આ ઉપરાંત BSNL 15 જાન્યુઆરીથી પટનામાં તેની 3G સેવા બંધ કરવા જઈ રહી છે, જેનો અર્થ છે કે આ તારીખ પછી યુઝર્સ પાસે 3G નેટવર્ક નહીં હોય, કારણ કે કંપની અહીં 4G પર અપગ્રેડ કરી રહી છે.