સંજય માંજરેકર ફરી વિવાદમાં, પીયૂષ ચાવલા અને અંબાતી રાયડૂને ગણાવ્યા `લો પ્રોફાઇલ ક્રિકેટર`

નવી દિલ્હીઃ પૂર્વ ભારતીય ક્રિકેટર સંજય માંજરેકર વિવાદોમાં ઘેરાયો જ્યારે તેણે શનિવારે સોશિયલ મીડિયા પર અંહાતી રાયડૂ અને પીયૂષ ચાવલાને 'લો પ્રોફાઇલ ક્રિકેટર' ગણાવ્યા. ત્યારબાદ ફેન્સ અને ક્રિકેટ પ્રશંસકોએ સોશિયલ મીડિયા પર તેમને જવાબ આપ્યો હતો. 

આઈપીએલની 13મી સીઝનની પ્રથમ મેચમાં દિગ્ગજ મહેન્દ્ર સિંહ ધોનીની આગેવાની વાળી ટીમ ચેન્નઈ સુપર કિંગ્સે ચાર વખતની ચેમ્પિયન મુંબઈ ઈન્ડિયન્સને પાંચ વિકેટે પરાજય આપ્યો હતો. આ મુકબાલામાં રાયડૂએ 71 રન બનાવ્યા અને તે મેન ઓફ ધ મેચ રહ્યો હતો. 

આ વચ્ચે માંજરેકરે ટ્વીટ કરીને રાયડૂ અને બોલર પીયૂષ ચાવલાને લો-પ્રોફાઇલ ક્રિકેટર ગણાવ્યા. માંજરેકરે ટ્વીટ કરીને લખ્યુ- 'બે લો પ્રોફાઇલ ક્રિકેટરો પીયૂષ ચાવલા અને અંબાતી રાયડૂ માટે ખુબ ખુશ છે. ચાવલાએ સારી બોલિંગ કરી, 5મી અને 16મી ઓવર ફેંકી. રાયડૂ... શોટ્સની ક્વોલિટીના આધાર પર તેની આઈપીએલની બેસ્ટ ઈનિંગમાંથી એક. ખુબ શાનદાર સીએસકે.'