T20 World Cup 2021: PAK ટીમને મળી મોટી ધમકી, ભારત વિરુદ્ધ મેચ ન જીતી તો...

નવી દિલ્હીઃ ટી20 વિશ્વકપ 2021ને શરૂ થવામાં હવે માત્ર બે દિવસનો સમય બાકી છે. દરેક આઈસીસી ટૂર્નામેન્ટની જેમ આ વખતે પણ ક્રિકેટ ફેન્સ ભારત અને પાકિસ્તાન વચ્ચે રમાનાર મહા મુકાબલાની રાહ જોઈ રહ્યાં છે. પાકિસ્તાનની ટીમ યૂએઈ પહોંચી ગઈ છે. પરંતુ વિશ્વકપ શરૂ થતા પહેલા આ ટીમે મુશ્કેલીનો સામનો કરવો પડી રહ્યો છે. 

ઉડી રહી છે પાકિસ્તાનની મજાક
હકીકતમાં ટૂર્નામેન્ટ પહેલા પાકિસ્તાને પ્રેક્ટિસ મેચ રમવાની છે. વિશ્વકપ માટે પાકિસ્તાન ટીમના તમામ ખેલાડી આજે યૂએઈ પહોંચી ગયા છે. ત્યારબાદ પાકિસ્તાનના કેપ્ટન બાબર આઝમે સોશિયલ મીડિયા પર બધા ખેલાડીઓની સાથે એક ફોટો શેર કર્યો. આ ફોટો જોઈ અનેક ભારતીય ફેન્સ પાકિસ્તાન ટીમની મજાક ઉડાવી રહ્યા છે. તો ઘણા પાકિસ્તાની ફેન્સ પણ પોતાના દેશની ટીમની આલોચના કરી રહ્યાં છે. 

24 ઓક્ટોબરે દુબઈમાં જંગ
ટીમ ઈન્ડિયા 24 ઓક્ટોબરે ટી20 વિશ્વકપની પ્રથમ મેચ રમશે. આ મેચ પાકિસ્તાન સામે છે. મહત્વનું છે કે વિશ્વકપની શરૂઆત 17 ઓક્ટોબરથી યૂએઈ અને ઓમાનમાં થઈ રહી છે. ટીમ ઈન્ડિયા પાકિસ્તાનને પરાજય આપીને વિજયી શરૂઆત કરવા ઈચ્છશે. મહત્વનું છે કે આજ સુધી પાકિસ્તાન ક્યારેય વિશ્વકપમાં ભારતને હરાવી શક્યું નથી. 

વિશ્વકપમાં પાકિસ્તાન આજ સુધી જીતી શક્યું નહીં
ભારત અને પાકિસ્તાન વચ્ચે ટી20 વિશ્વકપમાં અત્યાર સુધી પાંચ મેચ રમાઈ છે, જેમાં પાકિસ્તાન ક્યારેય જીત્યું નથી. 24 ઓક્ટોબરે બંને ટીમ બે વર્ષ બાદ આમને-સામને હશે. છેલ્લે 2019ના વિશ્વકપમાં બંને ટીમને ટક્કર જોવા મળી હતી. વનડે વિશ્વકપમાં પણ પાકિસ્તાન ટીમ ભારતને ક્યારેય હરાવી શકી નથી.