14 જુલાઈએ ઈંગ્લેન્ડથી મુંબઈ આવવા માટે રવાના થશે ટીમ ઈન્ડિયા

લંડનઃ વિશ્વ કપ સેમિફાઇનલમાં હારીને બહાર થયેલી ભારતીય ક્રિકેટ ટીમ રવિવારે સ્વદેશ રવાના થશે. ભારતને વિશ્વકપ-2019ની પ્રથમ સેમિફાઇનલમાં ન્યૂઝીલેન્ડે 18 રને પરાજય આપ્યો હતો. બીસીસીઆઈના એક સૂત્રએ કહ્યું, 'તમામ ખેલાડી અલગ-અલગ જગ્યા પર છે અને 14ના લંડનથી એક સાથે રવાના થશે. તે મુંબઈ પહોંચશે.'

વિશ્વ કપ ફાઇનલ પણ રવિવારે ઈંગ્લેન્ડ અને ન્યૂઝીલેન્ડ વચ્ચે રમાશે. આ પહેલા અટકળો લગાવવામાં આવી રહી હતી કે કેટલાક ખેલાડી વિશ્વ કપ બાદ બ્રેક લઈ શકે છે. તમામની નજરો એમએસ ધોની પર છે જેના આંતરરાષ્ટ્રીય ક્રિકેટમાંથી સંન્યાસની ચર્ચા જોર-શોરથી ચાલી રહી છે. માનવામાં આવી રહ્યું છે કે ધોની મુંબઈથી સીધો રાંચી રવાના થશે. ભારતને 2007 ટી20 વિશ્વ કપ 2011 વનડે વિશ્વ કપ અપવનાર ધોની ફિનિશરની ભૂમિકા ન નિભાવી શકવાને કારણે ટીકાનો સામનો કરી રહ્યો છે.