Tokyo Paralympics 2020: પોતાનો જ રેકોર્ડ તોડી સુમિત આંતિલે જીત્યો ગોલ્ડ, ભાલા ફેંકમાં ભારતને ત્રીજો મેડલ

નવી દિલ્હી: ટોક્યો પેરાલિમ્પિકમાં (Tokyo Paralympics 2020) ભારતના જેવલિન થ્રોઅર્સનું શાનદાર પ્રદર્શન જોવા મળ્યું હતું. સુમિત આંતિલે (Sumit Antil) ભારતને આ સ્પર્ધામાં ત્રીજો મેડલ અપાવ્યો છે. તેણે સોમવારના પુરૂષ (F64 વર્ગ) ની ફાઈનલ મેચમાં ગોલ્ડ મેડલ (gold medal) જીત્યો છે. સુમિતની આ જીત સાથે ભારતના મેડલની સંખ્યા 7 થઈ ગઈ છે.

સુમિતે 68.55 મીટર દૂર ભાલો ફેંકી (Javeline Throw) ગોલ્ડ મેડલ પોતાના નામે કર્યો છે. સુમિત આંતિલનો (Sumit Antil) આ થ્રો વર્લ્ડ રેકોર્ડ (world record) પણ બની ગો છે. ટોક્યો પેરાલિમ્પિકમાં (Tokyo Paralympics 2020) ભારતને આ બીજો ગોલ્ડ મેડલ છે. સુમિત પહેલા અવનિ લખેરાએ શૂટિંગમાં ભારતને ગોલ્ડ (gold medal) અપાવ્યો છે. તેણે સોમવારના મહિલાની આર-2 10 મીટર એર રાયફલ સ્ટેન્ડિંગ એસએચ 1 માં પ્રથમ સ્થાન મેળવી ગોલ્ડ મેડલ જીત્યો છે.

આ પણ વાંચો:- પેરાલિમ્પિકમાં ભારતને ઝટકો, બ્રોન્ઝ જીતનાર વિનોદ કુમારે પાછો આપવો પડશે મેડલ