IPL Umpire Salary: ખેલાડીઓ કરતાં વધુ કમાય છે અમ્પાયરો! જાણો કેવી રીતે મળે છે લાખો રૂપિયા..

IPL 2023: આઈપીએલ મેચમાં ખેલાડીઓની સાથે અમ્પાયરને લઈને પણ ઘણી ચર્ચા થઈ રહી છે. તેનો પગાર ઘણા ખેલાડીઓ કરતા સારો છે. IPLની આ સિઝનમાં 74 મેચો રમાશે. ઘણા લોકો ઉત્સુક છે કે અમ્પાયરને મેચ દીઠ ચૂકવણી કરવામાં આવે છે કે સીઝન દીઠ.

અમ્પાયરને 2 કેટેગરીમાં મળે છે પગાર- 
IPL સિઝનમાં ખેલાડીઓ કરોડોની કમાણી કરે છે. પરંતુ અમ્પાયરો પણ તેમાં પાછળ નથી. વિવિધ મીડિયા રિપોર્ટ્સ અનુસાર, અમ્પાયરના પગારને 2 કેટેગરીમાં વહેંચવામાં આવ્યા છે. પ્રથમ શ્રેણીમાં ICCની એલિટ પેનલમાં અમ્પાયરોનો સમાવેશ થાય છે. આ અમ્પાયરોને IPLની દરેક મેચમાં અમ્પાયરિંગ માટે 1.98 લાખ રૂપિયા આપવામાં આવે છે. બીજી શ્રેણીમાં વિકાસ અમ્પાયરો છે, જેમને દરેક મેચમાં 59,000 રૂપિયા મળે છે.

આ પણ વાંચો:
હવે ફરી ચીનથી નવો એવિયન ફ્લુ ફેલાવવાનો ખતરો, ગુજરાતમાં વધી રહ્યાં છે કોરોનાના કેસ
રાશિફળ: વૃષભ, તુલા અને વૃશ્ચિક રાશિના લોકોને મળશે સફળતા, જાણો તમારો દિવસ કેવો રહેશે
આ છે દુનિયાની સૌથી મોંઘી રેસ્ટોરેન્ટ, બિલ જોઈને થઈ જશો હેરાન!

બ્રાન્ડથી પણ થાય છે કમાણી-
અહેવાલો અનુસાર, એક અમ્પાયર લગભગ 20 મેચોમાં અમ્પાયરિંગ કરે છે. તે મુજબ, તે IPLની એક સિઝનમાંથી લગભગ 40 લાખ રૂપિયાની કમાણી કરે છે. આ સિવાય તેમને અમ્પાયરના ડ્રેસ પર સ્પોન્સરશિપ લોગો માટે પણ પૈસા આપવામાં આવે છે. તેની રકમ લગભગ 7.30 લાખ રૂપિયા (આખી સીઝન માટે) છે.

કેટલાક ખેલાડીઓ કરતાં વધુ કમાણી-
IPL 2023 માટે ખેલાડીઓની મૂળ કિંમત 20 લાખ રૂપિયા છે. જો કોઈ ફ્રેન્ચાઈઝી ભારતના કોઈ સ્થાનિક ખેલાડીને પોતાની ટીમનો ભાગ બનાવવા માંગે છે તો તેને ઓછામાં ઓછા 20 લાખ રૂપિયા ચૂકવવા પડશે. તે જ સમયે, દરેક અમ્પાયર એક સિઝનમાં 40 લાખ રૂપિયા કમાય છે. આ હિસાબે તેની કમાણી કેટલાક ક્રિકેટરો કરતા પણ વધુ છે.