Virat kohli: વિરાટ કોહલીએ સોશિયલ મીડિયામાં જણાવી દિલની વાત, પોતાના કરિયરની ગણાવી ખાસ ક્ષણ

Virat kohli Latest Instagram Post: ટીમ ઈન્ડિયાના સ્ટાર બેટ્સમેન વિરાટ કોહલી ટી20 વર્લ્ડકપ 2022 બાદથી આરામ પર છે. પરંતુ વિરાટ હવે બાંગ્લાદેશ પ્રવાસમાં રમતા જોવા મળશે. આ તમામ વાતો વચ્ચે વિરાટ કોહલીએ સોશિયલ મીડિયા પર એક પોસ્ટ શેર કરી છે, જે ઘણી વાયરલ થઈ રહી છે. તેમણે આ પોસ્ટમાં પોતાના કરિયરની સૌથી બેસ્ટ ઈનિંગની વાત કરી છે, વિરાટે પોસ્ટમાં એક એવી તારીખ પણ જણાવી છે કે જે તેમના દિલમાં હંમેશાં ખાસ રહેશે.

વિરાટે આ દિવસને જણાવ્યો સૌથી ખાસ
ટી20 વર્લ્ડકપ 2022માં ટીમ ઈન્ડિયાએ પોતાની પહેલી મેચ પાકિસ્તાન વિરુદ્ધ રમી હતી. આ મેચમાં વિરાટ કોહલીએ પોતાના દમ પર ટીમને જીત અપાવી હતી. બન્ને ટીમોની વચ્ચે આ મેચ 23 ઓક્ટોબર 2022 એ રમાઈ હતી. કોહલીએ આ તારીખને સૌથી ખાસ જણાવી છે. વિરાટ કોહલીએ હાલમાં તે મેચ બાદ એક ફોટો સોશિયલ મીડિયા પર શેર કર્યો છે. તેમણે ફોટો શેર કરતા કેપ્શનમાં લખ્યું, 23 ઓક્ટોબર 2022 મારા દિલમાં હંમેશાં ખાસ રહેશે. ક્રિકેટની રમતમાં આવી ઉર્જા પહેલા ક્યારેય મહેસૂસ થઈ નથી. કેટલી સુંદર સાંજ હતી.