Kisan Andolan: ટીમ મીટિંગ સુધી પહોંચ્યો કિસાન આંદોલનનો મુદ્દો, વિરાટ કોહલી બોલ્યો- ખેલાડીઓએ કરી ચર્ચા

નવી દિલ્હીઃ દેશમાં ચાલી રહેલા કિસાન આંદોલન (Kisan Andolan) નો મુદ્દો હવે ભારતીય ક્રિકેટ ટીમની મીટિંગ સુધી પહોંચી ગયો છે. ટીમ ઈન્ડિયાના કેપ્ટન વિરાટ કોહલી (Virat Kohli) એ ગુરૂવારે કહ્યુ કે, ટીમની મીટિંગમાં તેના પર સંક્ષિપ્ત ચર્ચા થી. ભારત અને ઈંગ્લેન્ડ વચ્ચે 4 મેચોની ટેસ્ટ સિરીઝ શુક્રવારથી શરૂ થશે જેનો પ્રથમ મુકાબલો ચેન્નઈમાં રમાવાનો છે. 

વિરાટ કોહલી (Virat Kohli) ઈંગ્લેન્ડ વિરુદ્ધ સિરીઝ પહેલા વર્ચ્યુઅલ પ્રેસ કોન્ફરન્સમાં સંવાદદાતાઓના સવાલોનો જવાબ આપી રહ્યો હતો. તેને જ્યારે કિસાન આંદોલન પર સવાલ પૂછવામાં આવ્યો તો તેણે કહ્યું કે, આ મુદ્દા પર ટીમ બેઠકમાં સંક્ષિપ્ત ચર્ચા થઈ. 

તેણે લખ્યું, અસહમતિના આ સમયમાં આપણે બધા એક છીએ. કિસાન આપણા દેશનો એક અભિન્ન ભાગ છે અને મને આશા છે કે બદા પક્ષો વચ્ચે એક શાંતિપૂર્ણ સમાધાન નિકળશે જેથી શાંતિ સ્થપાય અને બધા મળીને આગળ વધી શકે.