CWC 2019: માઇકલ વોને કહ્યું- જે ટીમ ભારતને હરાવશે તે વિશ્વ વિજેતા બનશે

નવી દિલ્હીઃ ઈંગ્લેન્ડના પૂર્વ કેપ્ટન માઇકલ વોને ભારતીય ક્રિકેટ ટીમની પ્રશંસા કરી છે. તેમણે કહ્યું કે, જે પણ ટીમ હાલના વિશ્વકપમાં ભારતને હરાવવામાં સફળ રહેશે, તે ટૂર્નામેન્ટનું ટાઇટલ પોતાના નામે કરશે. વોને ટ્વીટ કહ્યું, 'હું તે વાત પર ટકી રહીશ... જે ભારતને હરાવશે તે ટીમ વિશ્વકપ જીતશે.'

બે વખતની ચેમ્પિયન ભારતીય ટીમ ટૂર્નામેન્ટમાં અત્યાર સુધી અજેય છે. હાલના વિશ્વકપમાં આમ કરનારી તે એકમાત્ર ટીમ છે. ગુરૂવારે ભારતે વેસ્ટ ઈન્ડિઝને 125 રનથી પરાજય આપ્યો હતો.