આ 5 કાર્સનો કોઇ તોડ નહી! Petrol પર મળશે 28KM સુધીની માઇલેજ

Top Strong Hybrid Cars In India: હવે ભારતમાં ધીમે ધીમે હાઇબ્રિડ કારની સંખ્યા વધી રહી છે. કેટલાક કાર ઉત્પાદકો ટોયોટા અને મારુતિ સુઝુકી જેવી હાઇબ્રિડ પાવરટ્રેનવાળી કાર સાથે વધુ માઇલેજ આપવાનો પ્રયાસ કરી રહ્યા છે. છેલ્લા એક વર્ષમાં ટોયોટાએ બે હાઇબ્રિડ કાર (Hyrider અને Highcross) લોન્ચ કરી છે. મારુતિએ આ બેસ્ડ પર આધારિત બે કાર પણ લૉન્ચ કરી છે, જે અનુક્રમે ગ્રાન્ડ વિટારા અને ઇન્વિક્ટો છે. આ ઉપરાંત હોન્ડા તેની સિટી સેડાન સાથે હાઇબ્રિડ પાવરટ્રેન પણ ઓફર કરે છે. આ તમામ કાર શાનદાર માઈલેજ આપે છે.

MARUTI GRAND VITARA/TOYOTA HYRYDER
બંનેના હાઇબ્રિડ વર્ઝનમાં 1.5L, 3-સિલિન્ડર એટકિન્સન સાયકલ પેટ્રોલ હાઇબ્રિડ પાવરટ્રેન મળે છે. આમાં, એન્જિન 92bhp અને ઇલેક્ટ્રિક મોટર 79bhp જનરેટ કરે છે. જ્યારે, હાઇબ્રિડ સેટઅપની સંયુક્ત શક્તિ 115bhp છે. તે eCVT ગિયરબોક્સ સાથે આવે છે. તે બંને 27.97kmpl સુધીની માઈલેજ આપવા માટે સક્ષમ છે. તમને જણાવી દઈએ કે આ બંને ઓલ વ્હીલ ડ્રાઈવમાં પણ ઉપલબ્ધ છે પરંતુ તે વેરિઅન્ટમાં હાઈબ્રિડ સેટઅપ ઉપલબ્ધ નથી.

HONDA CITY HYBRID
તેને ગયા વર્ષે લોન્ચ કરવામાં આવી હતી. આ કાર 1.5L, 4-સિલિન્ડર એટકિન્સન સાયકલ એન્જિન સાથે આવે છે. આ સાથે, બે ઇલેક્ટ્રિક મોટર્સ છે. કંપનીનો દાવો છે કે હોન્ડા સિટી હાઇબ્રિડ 26.5 km/l પેટ્રોલની માઇલેજ આપવામાં સક્ષમ છે. તે એક જ ટાંકી ફુલ પર 1,000 કિમી સુધીની રેન્જ ઓફર કરી શકે છે. તે નોન-હાઈબ્રિડ સેટઅપમાં પણ ઉપલબ્ધ છે. પરંતુ, તેની માઈલેજ ઓછી છે.

TOYOTA INNOVA HYCROSS/MARUTI INVICTO
આ બંને એક જ પાવરટ્રેનનો (હાઇબ્રિડ વર્જનમાં) ઉપયોગ કરે છે. જોકે મારુતિ ઈન્વિક્ટો સંપૂર્ણપણે ટોયોટા ઈનોવા હાઈક્રોસ પર આધારિત છે. તે મોનોકોક આર્કિટેક્ચર પર બનેલ છે. બંનેના સ્ટ્રોંગ હાઇબ્રિડ વર્ઝન 2.0L, 4-સિલિન્ડર એટકિન્સન સાયકલ એન્જિન સાથે આવે છે, જે e-CVT સાથે જોડાયેલું છે. બંને 23.24kmpl સુધીની માઈલેજ આપવા સક્ષમ છે.