ફક્ત 15 મિનિટમાં ફૂલ ચાર્જ થઇ જશે ઇલેક્ટ્રિક થ્રી-વ્હીલર, જાણો કિંમત અને ફીચર્સ

Electric Three Wheeler: ભારતમાં ઇલેક્ટ્રિક વ્હીકલ્સ  (EV) ની માંગ વધતી જાય છે. તેમાં જે ઝડપી ચાર્જિંગ વિકલ્પો સાથે આવે છે તે ઇવીને સૌથી વધુ પસંદ કરવામાં આવી રહી છે. આ કડીમાં શુક્રવારે (12 એપ્રિલ) ના રોજ એક પેસેંજર ઇલેક્ટ્રિક થ્રી-વ્હીલર લોન્ચ કરવામાં આવી, જે 15 મિનિટમાં ફૂલ ચાર્જ થઇ જાય છે. કંપનીનો દાવો છે કે આ દુનિયાની સૌથી ફાસ્ટ ચાર્જ ઇવી છે. ઓમેગા સેકી મોબિલિટી (Omega Seiki Mobility) એ ઝડપથી ચાર્જ થનાર ઇલેટ્રિક-થ્રી વ્હીલર માટે એક્સપોનેંટ એનર્જી (Exponent Energy) સાથે પાર્ટનરશિપ કરી છે. 

કંપનીએ એક નિવેદનમાં કહ્યું હતું કે  3,24,999 રૂપિયાની કિંમત પર 'ઓએસએમ સ્ટ્રીમ સિટી ક્વિક' (OSM Stream City Qik) ઇવી 6 શહેરોમાં ઉપલબ્ધ એક્સપોનેંટના રેપિડ ચાર્જિંગ નેટવર્ક પર 15 મિનિટમાં શૂન્યથી 100 ટકા સુધી ચાર્જ કરવાની ક્ષમતા ધરાવે છે.  

ઓમેગા સેકી મોબિલિટી (Omega Seiki Mobility) ના ફાઉન્ડર ચેરમેન ઉદય નારંગે કહ્યું કે 'રસ્તા પર ડાઉનટાઇમને ઓછો કરવા અને "કાર્યક્ષમતાને વધારીને ક્વિક આ સુનિશ્વિત કરે છે કે દરેક મુસાફરી ડ્રાઇવરો માટે નક્કર નાણાકીય લાભમાં પરિવર્તિત થાય.' 

ઘણા શહેરોમાં નેટવર્કનો થશે વિસ્તાર
વાહન પર 2 લાખ કિલોમીટર અથવા 5 વર્ષ, જે પણ પહેલાં હોય તેની વોરન્ટી છે. એક્સપોનેંટ એનર્જીએ એક નિવેદનમાં કહ્યું હતું કે તે આ વર્ષે દિલ્હી-એનસીઆર અને બેંગલુરૂમાં 100 ચાર્જિંગ સ્ટેશન શરૂ કરશે, જ્યારે ચેન્નઇ, અમદાવાદ, કલકત્તા અને હૈદ્રાબાદમાં પોતાના નેટવર્કનો વિસ્તાર કરશે. 

એક્સપોનેંટ એનર્જીના કો-ફાઉન્ડર અને સીઇઓ અરૂણ વિનાયકે કહ્યું કે "મહત્તમ આવક અને ઓછા ખર્ચનો આ બેવડો લાભ અન્ય કોઈપણ EV અથવા ICE વાહનની તુલનામાં યૂઝર્સને તેમના એક્સપોનન્ટ-સંચાલિત EVમાંથી મળી શકે તેવા સર્વોચ્ચ સંભવિત લાભોને અનલૉક કરે છે."

એકવાર ચાર્જમાં 126 કિમીની રેંજ
પેસેંજર ઇવીમાં 8.8 કિલોવોટ અવરની બેટરી પેક છે અને આ એકવાર ચાર્જ કરતાં 126 કિલોમીટરની સિટી ડ્રાઇવ રેંજ પુરી પાડે છે. દેશમાં પેસેન્જર થ્રી-વ્હીલરનું વેચાણ જાન્યુઆરીમાં 53,537 યુનિટને પાર કરી ગયું હતું.