Facebook ના માલિક Mark Zuckerberg પણ નથી કરતા WhatsApp નો ઉપયોગ, લીકમાં થયો ખુલાસો

સૈન ફ્રાન્સિસ્કો: ભલે સમગ્ર વિશ્વમાં મોટેભાગના મોબાઇલ વપરાશકર્તાઓ ચેટિંગ માટે WhatsApp નો ઉપયોગ કરે છે. પરંતુ ખુદ WhatsApp માલિકો આ એપ્લિકેશનનો ઉપયોગ ચેટિંગ માટે કરતા નથી. તાજેતરમાં જ બહાર આવ્યું છે કે Facebook ના સ્થાપક અને WhatsApp ના માલિક Mark Zuckerberg પોતે તેમની ચેટિંગ એપ્લિકેશનનો ઉપયોગ કરતા નથી.

લીકમાં થયો ખુલાસો
તાજેતરમાં જ Facebook ના 53.3 મિલિયન યુઝર્સના ડેટા લીક ​​થયાનો મામલા સામે આવ્યો છે. યુઝર્સ જ નહીં, પરંતુ કંપનીના સીઈઓ Mark Zuckerberg ના ડેટા લીક થવાના સમાચારથી સનસનાટી મચી ગઈ છે. મીડિયા રિપોર્ટ્સ અનુસાર ડેટા લીકથી બહાર આવ્યું છે કે ફેસબુકના સીઈઓ માર્ક ઝુકરબર્ગ Signal એપ્લિકેશનનો ઉપયોગ કરે છે.

આ પણ વાંચો:- Vi ના આ પ્લાનમાં અનલિમિટેડ ડેટા, કોલિંગની સુવિધા, સાથે ફ્રીમાં જોઈ શકશો IPL મેચ

ખરેખર, ઝકરબર્ગનો ફોન નંબર 53.3 મિલિયન ફેસબુક વપરાશકર્તાઓના લીક થયેલા ડેટામાંથી છે. એક ઓનલાઈન રિપોર્ટ અનુસાર ઝકરબર્ગનો ફોન નંબર અને ફેસબુક યુઝર આઈડી ઉપરાંત તેનું નામ, લોકેશન, લગ્ન સંબંધી માહિતી અને જન્મ તારીખ લીક થઈ ગઈ છે.

પોતે ઝુકરબર્ગ નથી કરતા વોટ્સએપનો ઉપયોગ
ખરેખર એક સુરક્ષા સંશોધનકારે જાહેર કર્યું કે ઝકરબર્ગ તેના લીક થયેલા ફોન નંબર પરથી સિગ્નલનો ઉપયોગ કરે છે. માર્ક ઝુકરબર્ગ તેની પોતાની ગોપનીયતાની કાળજી લેવા માટે સિગ્નલનો ઉપયોગ કરી રહ્યો છે, જે એન્ડ-ટુ-એન્ડ એન્ક્રિપ્શન પ્રદાન કરે છે.

આ પણ વાંચો:- Reliance Jio નો 555 રૂપિયાવાળો શાનદાર પ્લાન, તમને મળશે આ ખાસ સુવિધા

સિક્યુરિટી એક્સપર્ટ ડેવ વોકરે ટ્વિટર પર ઝકરબર્ગના લીક થયેલા ફોન નંબરનો સ્ક્રીનશોટ પોસ્ટ કર્યો હતો જેમાં લખ્યું હતું કે, "માર્ક ઝુકરબર્ગ સિગ્નલ પર છે."

ડેવ વોકરે કહ્યું છે કે, ફેસબુક (Facebook) પાસે એન્ડ-ટુ-એન્ડ એન્ક્રિપ્શન નથી, તેથી માર્ક ઝુકરબર્ગ સિગ્નલનો (Signal) ઉપયોગ કરીને પોતાની ગોપનીયતાની સંભાળ લઈ રહ્યો છે.