ઓફિસનું કામ રેસ્ટોરન્ટમાં બેસીને કરી કરવું છે? તો કામ આવશે આ App

અમદાવાદ :મનગમતી રેસ્ટોરન્ટમાં જઈને તમે અનેકવાર ફૂડ ખાધુ હશે, પણ જો તમને રેસ્ટોરન્ટમાં જ બેસીને ઓફિસનું (Coworking) કામ કરવાનો મોકો મળે, અને તે પણ ઓફઇસ કલ્ચરની સાથે તો તમે શું કહેશો ? પ્રાઈમ્સ કો-વર્ક (Primes Cowork) નામની એક સ્ટાર્ટઅપ (start up) કંપની એક એપના માધ્યમથી મુંબઈ અને પૂણેમાં તમારા નજીકના રેસ્ટોરન્ટમાં ઓફિસમાં કામ કરવાની તક આપશે. 

મુંબઈ જેવા ભાગદોડવાળા શહેરમાં ઘરથી ઓફિસ પહોંચવું એક મોટી ચેલેન્જથી ઓછું નથી. પરંતુ જરા વિચારો કે, તમારું ઓફિસ તમારી નજીક જ આવી જાય, એ પણ એક પ્રાઈમ રેસ્ટોરન્ટમાં તો કેવું લાગે ? કંઈક આવા જ કોન્સેપ્ટ સાથે પ્રાઈમ્સ કો-વર્ક નામની સ્ટાર્ટઅપ કંપની માર્કેટમાં આવી રહી છે. 

પ્રાઈમ્સ કો-વર્કના ફાઉન્ડર અભિવય દેવએ ઝી મીડિયા સાથેની ખાસ વાતચીતમાં જણાવ્યું કે, આ વેન્ચર મુંબઈના એવા રેસ્ટોરન્ટની સાથે છે, જે દિવસમાં બંધ અને સાંજના સમયે ખુલ્લા રહે છે. આવા આ રેસ્ટોરન્ટ કામકાજી લોકો સવારના 10 વાગ્યાથી સાંજે 6 વાગ્યા સુધી ઓફિસ વર્ક કરવા માટે ઉપલબ્ધ રહેશે.

અભિવય દેવે જણાવ્યું કે, કંપનીએ તેના માટે એક એપ શરૂ કરી છે. જેના માધ્યથી તેઓ ઘરે બેસીને કોઈ પણ ઉપલબ્ધ રેસ્ટોરન્ટમાં પોતાની જગ્યા બૂક કરાવી શકે છે. તેના માટે તમારે દિવસના અંદાજે 200 રૂપિયા ચૂકવવાના રહેશે. જેમા વર્ક સ્પેસ ઉપરાંત વાઈ-ફાઈ, એક ઓફિસ બોય અને અનલિમિટેડ ચા-કોફીની સુવિધા આપવામાં આવશે.                    

કંપનીના કો-ફાઉન્ડર શાર્દુલ વ્યાસે કહ્યું કે, જો કોઈ પોતાના માટે એક આખા વર્ષ માટે વર્ક સ્પેસ બૂક કરાવવા માંગે છે, તો તેના માટે 15 મહિનાના 30 હજાર રૂપિયાની ફી નક્કી કરવામાં આવી છે. આ ઉપરાંત નો કોસ્ટ EMIની સુવિધા પણ કંપનીએ પોતાના કસ્ટમર્સ માટે શરૂ કરી છે. જોકે, જાણકારોનું માનવુ છે કે, દેશમાં કો-વર્કિંગ કલ્ચરને લઈને પહેલા કંપનીઓ કામ કરી રહી છે, તેથી હાલ કહેવુ મુશ્કેલ છે કે, પ્રાઈમ્સ કો-વર્કને લોકો કેટલુ પસંદ કરે છે.