હવે તમે Smart TV પર પણ કરી શકશો Shopping! ગૂગલના નવા ફિચરે મચાવી ધૂમ

Google એ એન્ડ્રોઇડ ટીવી ડીવાઈસિસ માટે એક નવું શોપ ટેબ રજૂ કર્યું છે. શોપ ટેબ યુઝરને મૂવી ખરીદવા અથવા ભાડે લેવાની ક્ષમતા પ્રદાન કરે છે અને તેમને તેમના Android ટીવી પર સીધી ખરીદી કરવાની મંજૂરી આપે છે. 

અમેરીકામા Android TV ઉપકરણો માટે નવી શોપ ટેબ ઉપલબ્ધ છે થોડા અઠવાડિયામાં તે વૈશ્વિક રોલ આઉટ થવાની ઉમ્મીદ છે.. કંપનીએ કહ્યું છે કે, 'શોપ ટેબ દ્વારા, તમે નવી મૂવીઝ ખરીદી શકો છો અથવા ભાડે પર પણ લઈ શકો છો તેમજ નવી લાઇબ્રેરીનો ઉપયોગ પણ કરી શકો છો.'

તમારા Google એકાઉન્ટ વડે કરેલી બધી ખરીદીઓ તમારી લાઇબ્રેરીમાં સાચવવામાં આવશે, જેમાં YouTube, અન્ય Google TV અને Android TV ઉપકરણો અને Google TV મોબાઇલ ઍપમાંથી કરેલી ખરીદીનો સમાવેશ થાય છે.

તમારા ફોન અથવા ટેબ્લેટ પર પણ Google TV મોબાઇલ એપ્લિકેશનનો ઉપયોગ કરીને તમારી ખરીદેલી કનટેન્ટ ઑફલાઇન ડાઉનલોડ કરી શકો છો.