શું તમારું Gmail Account હેકર્સના નિશાના પર છે? આ રીતે કરો ચેક અને અકાઉન્ટ કરો સિક્યોર

Gmail Account Hacked:  હાલમાં લોકો વોટ્સએપ અને ટેલિગ્રામ સહિત અનેક પ્રકારની મેસેજિંગ એપનો ઉપયોગ કરે છે. અગાઉ લોકો મેસેજિંગ માટે પણ જીમેલનો ઉપયોગ કરતા હતા, પરંતુ હવે તેનો ઉપયોગ મેસેજિંગ માટે થતો નથી, પરંતુ સરકારી અને ખાનગી કંપનીઓ જીમેલનો ઉપયોગ કરવાનું પસંદ કરે છે અને સત્તાવાર કામ માટે Gmailનો ઉપયોગ કરે છે. સામાન્ય રીતે કહીએ તો મોટાભાગના લોકોના મોબાઈલ ફોનમાં જીમેઈલ હંમેશા લોગઈન હોય છે અને તેની સાથે બીજી ઘણી એપ લીંક પણ હોય છે, હવે જરા વિચારો જો તમારું જીમેલ હેક થઈ જાય તો તમારે કઈ સમસ્યાઓનો સામનો કરવો પડશે.

આ પણ વાંચો: 

1. ઘણા લોકોના Gmail હેક થયા બાદ અન્ય તમામ એકાઉન્ટ પણ હેક થઈ જાય છે અને આના દ્વારા ઘણા ગેરકાયદેસર કામો થઈ શકે છે. આ સ્થિતિમાં, તમારા Gmailની સુરક્ષાને બરકરાર રાખવી ખૂબ જ મહત્વપૂર્ણ છે અને જો તમારું Gmail હેક થઈ ગયું છે, તો અહીં કેટલીક એવી ટિપ્સ છે, જેને અનુસરીને તમે જાણી શકો છો કે તમારું Gmail હેક થયું છે કે નહીં.

2. તમારું Gmail એકાઉન્ટ કેટલા ઉપકરણો પર ખુલ્લું છે તે જાણવા માટે, તમારે પહેલા gmail-login કરવું પડશે. આ પછી તમારે Google એકાઉન્ટના નેવિગેશન પેનલ પર જવું પડશે અને સુરક્ષા વિકલ્પ પસંદ કરવો પડશે. અહીં તમને મેનેજ ડિવાઇસનો વિકલ્પ દેખાશે. તેના પર ક્લિક કર્યા પછી, તમને ખબર પડશે કે તમારું એકાઉન્ટ ક્યાં અને ક્યાં લોગ ઇન થયું છે.

3. જો તમને અહીં એવું કોઈ ઉપકરણ દેખાય કે જે તમારી જાણમાં ન હોય, તો તરત જ ત્યાંથી તમારું Gmail લોગઆઉટ કરો અને તેની સુરક્ષા સુવિધાઓને મજબૂત કરવા માટે તમારો પાસવર્ડ બદલો. આ કર્યા પછી, તમારી અંગત માહિતી ક્યાંય લિંક થશે નહીં. યાદ રાખો, ભૂલથી પણ તમારો Gmail પાસવર્ડ ક્યારેય કોઈની સાથે શેર ન કરો.