Jio Prepaid Plan જિયો યૂઝર્સ આનંદો...લોન્ચ થયા નવા બે રિચાર્જ પ્લાન, મળશે 225 GB ડેટા, અનલિમિટેડ કોલિંગ અને ગણું બધુ

Jio Recharge Plan: Jio એ નવા બે રિચાર્જ પ્લાન લોન્ચ કર્યા છે. બંને પ્લાનમાં 2.5 જીબી ડેઈલી ડેટા મળશે. આ સાથે યૂઝર્સને ડેટા ઉપરાંત કોલિગં, એસએમએસ અને અન્ય ફાયદા પણ થશે. જિયોએ આ રિચાર્જ પ્લાનને 30 દિવસની અને 90 દિવસની વેલિડિટી સાથે તૈયાર કર્યા છે. જો તમે વધુ ઈન્ટરનેટ યૂઝ  કરતા હોવ તો આ વિકલ્પ પસંદ કરી શકો છો. 

કંપનીએ 899 રૂપિયા અને 349 રૂપિયાના પ્રીપેઈડ રિચાર્જ પ્લાન પોતાના પોર્ટફોલિયોમાં જોડ્યા છે. બંને પ્લાન એક જેવા બેનિફિટ્સ સાથે આવે છે. હાલમાં જ જિયોએ નવા વર્ષના અવસરે 2023 રૂપિયાનો નવો પ્લાન અને  Jio New Year Offer લોન્ચ કર્યા હતા. હવે આવો જાણીએ આ બે નવા પ્લાન વિશે માહિતી...

Jio નો 899 રૂપિયાવાળો રિચાર્જ પ્લાન
અગાઉ જણાવ્યાં મુજબ આ 899 રૂપિયાવાળા પ્લાનમાં ગ્રાહકને ડેઈલી 2.5 જીબી ડેટા મળશે. યૂઝર્સને 90 દિવસની વેલિડિટી પણ મળશે. એટલે કે સમગ્ર વેલિડિટીમાં યૂઝરને કુલ 225GB ડેટા મળશે. જિયો સબસ્ક્રાઈબર્સને આ રિચાર્જમાં અનલિમિટેડ વોઈસ કોલિંગ અને ડેઈલી 100 એસએમએસનો ફાયદો પણ મળશે. 

આ ઉપરાંત જિયો એપ્સનું સબસ્ક્રિપ્શન પણ મળશે. યૂઝર્સ જિયો સિનેમા, જિયો સિક્યુરિટી, જિયો ક્લાઉડ, અને જિયો ટીવીનું કોમ્પ્લિમેન્ટરી સબસ્ક્રિપ્શન યૂઝ કરી શકશે. આ રિચાર્જ પ્લાનને ખરીદનારા યૂઝર્સ 5G ડેટા માટે એલિજિબલ ગણાશે. 

349 રૂપિયાવાળો પ્લાન
જિયોના આ પ્લાનમાં યૂઝર્સને 30 દિવસની વેલિડિટી મળશે. આ ઉપરાંત તમામ અન્ય ફાયદા ઉપરના પ્લાનમાં જે રીતે જણાવેલા છે તે જ રીતે મળશે. રિચાર્જમાં યૂઝરને કુલ 75GB ડેટા મળશે. 

યૂઝર્સ ડેઈલી 2.5 GB ડેટા, અનલિમિટેડ કોલિંગ અને ડેઈલી 100 એસએમએસ વાપરી શકશે. જિયો એપ્સનું ફ્રી એક્સેસ યૂઝર્સને મળશે. આ પ્લાન પણ 5જી ડેટા એલિજિબિલિટી સાથે આવે છે. 

શું છે 5જી એલિજિબિલિટીનો અર્થ
કોઈ પ્લાનના 5G એલિજિબલ હોવાનો એ અર્થ નથી કે યૂઝર્સને 5જી ડેટા મળશે. તેનો અર્થ એવો છે કે આ પ્લાન્સને ખરીદનારા યૂઝર્સ જો તેમને જિયો વેલકમ ઓફર મળી હશે તો  5G નેટવર્ક યૂઝ કરી શકશે. આ માટે યૂઝર્સ પાસે 5જી સ્માર્ટફોન હોવો જરૂરી છે અને તેઓ 5જી અનેબલ એરિયામાં હોય તે પણ જરૂરી છે. એટલું જ નહીં જિયો વેલકમ ઓફર મર્યાદિત યૂઝર્સને જ મળી રહી છે અને આ એક ઈન્વાઈટ છે. એટલે કે કંપની જેને આ ઓફર આપશે તે જ ફક્ત આ ફાયદો મેળવી શકશે. 

જુઓ લાઈવ ટીવી