તમારા WhatsApp પર શરૂ થઇ ગઇ છે શોપિંગની સુવિધા, જલદી જાણો રીત

નવી દિલ્હી: જી હાં, તમારા મોબાઇલ ફોનમાં હાલ વોટ્સઅપ (WhatsApp) પર શોપિંગની સિવિધા શરૂ થઇ ગઇ છે. જો તમે અત્યારે પણ વોટ્સઅપ પર ફક્ત ચેટિંગ જ કરી શકો છો તો અમે તમને જણાવીશું શોપિંગ કરવાની રીત. Reliance Jio એ પોતાના JioMart ની સુવિધા વોટ્સઅપ પર ઉપલબ્ધ કરાવવાનું શરૂ કરી દીધું છે. 

આ રીતે કરો શોપિંગ
- પહેલાં તમે JioMart નો વોટ્સઅપ નંબર 88500 08000 પોતાના સ્માર્ટફોનમાં સેવ કરી લો.
- નંબર સેવ કર્યા બાદ પોતાના વોટ્સઅપ કોન્ટેક્ટમાં આ નંબરને સર્ચ કરો, તેના માટે લિસ્ટને રિફ્રેશ કરવાની જરૂર પડશે. 
- હવે આ કોન્ટેક્ટ નંબર પર  'Hi' મેસેજ મોકલો.
- ત્યારબાદ જિયોમાર્ટ વોટ્સઅપ નંબર સેવ કરનાર ગ્રાહકને ચેટ વિંડો પર એક લિંક મોકલવામાં આવશે જે ફક્ત 30 મિનિટ સુધી એક્ટિવ રહેશે.
- આ લિંક પર ક્લિક કર્યા બાદ કસ્ટમરને એક નવું પેજ ઓપન કરવું પડશે જેનાપર કસ્ટમરને પોતાનું એડ્રેસ અને ફોન નંબર જેવી કેટલીક જાણકારી સેવ કરવી પડશે. 
- જરૂરી માહિતી ભર્યા બાદ જિયો માર્ટ ગ્રાહકના વોટ્સઅપ પર પોતાના ઉપલબ્ધ સામાનની એક યાદી મોકલશે.
- કસ્ટમર તે સામાનની યાદીમાંથી તે પોતાની પસંદગીનો સામન સિલેક્ટ કરી ઓર્ડર કરી મોકલી આપશે.
- ત્યારબાદ કસ્ટમર પોતાના ઓર્ડરને જણાવવામાં આવેલા નજીકના કરિયાણા સ્ટોર પરથી કલેક્ટ કરી શકશે. 

જાણકારોનું કહેવું છે કે હાલ વોટ્સઅપ પર શોપિંગની સુવિધા ફક્ત નવી મુંબઇના કેટલાક વિસ્તારોમાં, થાણે અને કલ્યાણમાં જ લાઇવ કરવામાં આવી છે. પરંતુ ખૂબ જલદી અન્ય વિસ્તારોમાં શરૂ કરવાની આશા છે. ત્યારબાદ તમે ઘરે બેઠા ચેટિંગ કરતાં તમામ સામાન ઓર્ડર કરી શકશો.