દુનિયાનો સૌથી સસ્તો 4G સ્માર્ટફોન લોન્ચ કર્યા નો કંપનીનો દાવો! આ ફોનમાં શું હશે એ પણ જુઓ

નવી દિલ્હી: રિલાયંસ જિયો તરફથી JioPhone Next સ્માર્ટફોન લોન્ચ કરવામાં આવ્યો છે. આ ફોનની કિંમત 6400 રૂપિયા છે. જો કે તેને 2000 રૂપિયામાં ખરીદી શકાશે. બાકીના રૂપિયા EMI પર આપી શકાશે. કંપનીનો દાવો છે કે આ દુનિયાનો સૌથી સસ્તો 4G સ્માર્ટફોન છે. Relianceએ વચન આપ્યું હતું કે તેઓ દુનિયાનો સૌથી સસ્તો 4G સ્માર્ટફોન લોન્ચ કરશે. ત્યારે કંપનીએ પોતાનો JioPhone Next લોન્ચ કર્યો છે. જેની શરૂઆતી કિંમત 6400 રૂપિયા રાખવામાં આવી છે. આવો જાણીએ આ સુપર બજેટ સ્માર્ટફોન વિશે સમગ્ર માહિતી.

JioPhone Nextમાં Qualcomm Snapdargon 215 પ્રોસેસર આપવામાં આવ્યું છે. આ ક્વોડ કોર પ્રોસેસરની સ્પીડ 1.3GHz સુધીની છે. ફોનમાં 2GB રેમ અને 32GB ઈન્ટરનલ સ્ટોરેજ આપવામાં આવી છે. Micro SDને 512 GB સુધી એક્સપાંડ કરી શકાય છે. JioPhone Nextમાં ડ્યુલ સિમ સપોર્ટ છે. ચાર્જિંગ માટે ફોનમાં માઈક્રો USB પોર્ટ અને હેડફોન જેક આપવામાં આવ્યું છે. બ્લુટુથ અને વાઈફાઈની પણ સુવિધા આપવામાં આવી છે. આ ફોનમાં એક્સેલેરોમીટર, લાઈટ સેન્સર અને પ્રોક્સિમિટી સેન્સર આપવામાં આવ્યા છે. ફોનના ફ્રંટમાં 8 મેગાપિક્સલનો સેલ્ફી કેમેરો આપવામાં આવ્યો છે, જ્યારે ફોનના રિયરમાં 13 મેગાપિક્સલનો પ્રાઈમરી કેમેરો આપવામાં આવ્યો છે. ફોનમાં નાઈટ મોડ અને સોફ્ટવેર બેઝ્ડ પોટ્રેટ મોડનો સપોર્ટ આપવામાં આવ્યો છે. ફોનમાં 3500mAHની બેટરી આપવામાં આવી છે.

JioPhone Next એન્ડ્રોઈડ બેઝ્ડ Pragti OS પર ચાલે છે. આ ફોનની કિંમત 1999 રૂપિયા છે, જે એક એફેક્ટિવ પ્રાઈસ છે. જો કે ફોનની કુલ કિંમત 6499 રૂપિયા છે. આ ફોન સાથે તમને ડેટા પ્લાન મળશે, જેને કારણે કંપની તેની એફેક્ટિવ પ્રાઈસ ઓછી બચાવી રહી છે. આ ફોનને ગ્રાહકો દિવાળીમાં ખરીદી શક્શે અને કંપનીએ EMIનું પણ ઓપશન આપ્યું છે. જો તમે આ ફોનને 1999 રૂપિયા આપી ખરીદવા માગો છો, તો તમારે EMI રીતે દર મહિને રૂપિયા આપવા પડશે. 18 અથવા 24 મહિનાનું EMI તમે સેટ કરી શકો છો.