 "રશિયાએ ભારતને ઓફર કર્યું મહાશક્તિશાળી હથિયાર, ચીન-પાકિસ્તાન થરથર કાંપશે!")
Tu 160 Black Jack Bomber : ભારત લાંબા સમયથી પોતાની ડિફેન્સ પાવરને વધારવાના ઉપાય શોધી રહ્યું છે. જેમાં રાફેલ, અપાચે, રોમિયો, S-400 મિસાઈલથી ભારતની સરહદો મજબૂત બની છે. તેની વચ્ચે રશિયાએ ભારતને પોતાનું શક્તિશાળી બોમ્બર TU-160 ઓફર કર્યુ છે. તે જો ભારતને મળી જાય તો ચીન અને પાકિસ્તાનના દરેક ખૂણા તેના નિશાના પર આવી જશે. ત્યારે આ વિમાનની શું વિશેષતા છે? તેનો ઓપરેશનલ ખર્ચ શું થાય છે? જોઈશું આ રિપોર્ટમાં...
રશિયાએ ભારતને એવા વિમાનની ઓફર કરી છે. જો તે ભારતને મળી જશે તો ચીન અને પાકિસ્તાનના દરેક શહેર તેની રેન્જમાં આવી જશે. રશિયાનું આ વિમાન પરમાણુ હથિયાર નાંખવાની ક્ષમતા ધરાવે છે. એટલે તેના આવવાથી ભારત ડિફેન્સમાં વધુ મજબૂત બની જશે.
રશિયાની એસ-400 મિસાઈલ ડિફેન્સ સિસ્ટમ ભારતને સરહદ પર મજબૂત બનાવી રહ્યું છે. તેની વચ્ચે રશિયાએ ભારતને પોતાના સૌથી શક્તિશાળી બોમ્બર TU-160 આપવાનો પ્રસ્તાવ આપ્યો છે. તે લાંબા અંતરનુ બોમ્બર છે એટલે તે દુશ્મનના ઘરમાં ઘૂસીને બોમ્બ વરસાવીને પાછું આવી શકે છે.
ટુપોલેવ ટીયુ-160 બ્લેક જેક બોમ્બરની વિશેષતા શું છે જેના કારણે તેને વ્હાઈટ સ્વાન કહેવામાં આવે છે.
આ વિમાનમાં વેરિએબલ સ્વીપ વિંગ્સ લાગેલી હોય છે જે પોતાનો એંગલ બદલી શકે છે. તે વિમાનને અલગ-અલગ ગતિ અને મિશનના પ્રકારને અનુકૂળ થવામાં મદદ કરે છે. જેનાથી તે સૌથી ઝડપી બોમ્બર બની જાય છે. જોકે આ વિમાનનો ઓપરેશન ખર્ચ બહુ મોંઘો છે.
ટીયુ-160 સામાન્ય ઓપરેશન દરમિયાન 1 કલાકમાં 12,000થી 15,000 લીટર ઈંધણનો ઉપયોગ કરે છે. ઈંધણ, મેન્ટેનન્સ અને ક્રૂને જોડી લઈએ તો તેના ઓપરેશનના 1 કલાકનો ખર્ચ 19,000થી 30,000 ડોલર થશે. તેની સરખામણીમાં રાફેલનો 1 કલાકનો ખર્ચ 16,000 ડોલર થાય છે.
ચીન સતત પોતાની સૈન્ય શક્તિ અને શસ્ત્રોને વધુ આધુનિક કરી રહ્યું છે. તો પાકિસ્તાન અવારનવાર ભારતની સરહદમાં ઘૂસણખોરીના પ્રયાસો કરતું રહે છે. આ સ્થિતિમાં જો ભારત પાસે રશિયાનું TU-160 વિમાન હોય તો..
એટલે આ વિમાન ખરેખર ભારતને વધુ શક્તિશાળી બનાવશે અને દુશ્મન દેશ ભારત સામે નજર ઉંચી કરતાં પણ થર-થર કાંપવા લાગશે. જોકે તેનો ઓપરેશનલ ખર્ચ મોંઘો છે પરંતુ તેની વિધ્વંસક ક્ષમતાને જોતાં આવા વિમાન ભારત પાસે હોવા જરૂરી છે.
)