Viral Video: આ યુવકની સુપરફાસ્ટ ટાઈપિંગનો વીડિયો જોઈને તમે પણ ચોંકી જશો

સોશિયલ મીડિયામાં એક ફાર્મસીનો વીડિયો ખુબ વાયરલ થઈ રહ્યો છે. બિલિંગ કાઉન્ટર પર બેઠેલી વ્યક્તિ આમાં શું કરી રહી છે તે જોઈને કોઈપણને નવાઈ લાગશે. કોમ્પ્યુટર પર બિલ બનાવનાર વ્યક્તિની ટાઈપિંગ સ્પીડ જાણે કોઈએ વીડિયોની સ્પીડ વધારી દીધી હોય એવું લાગે છે, પરંતુ આ સ્પીડ વાસ્તવમાં ફાર્મસી સ્ટાફની પોતાની છે. એટલી ઝડપથી ટાઈપ કરવું જાણે માણસ નહીં મશીન હોય. આ વીડિયોને અત્યાર સુધીમાં 10 લાખથી વધુ લોકો જોઈ ચૂક્યા છે.

લાઈટનિંગ સ્પીડ ટાઈપિંગ-
વીડિયોમાં કર્મચારી વીજળીની ઝડપે ટાઈપ કરતો જોવા મળે છે. દવાઓના કોડ ટાઈપ કરતી વખતે તેની આંગળીઓ ખૂબ જ ઝડપથી આગળ વધી રહી છે. તે એક પછી એક દવાઓ લેતો અને તેના કોમ્પ્યુટર પર ઝડપથી વિગતો લખતો જોવા મળે છે. આ વાયરલ વીડિયો કથિત રીતે ભારતનો છે.

'આ છોકરો AIનું સ્થાન લેશે'-
વ્યક્તિની અત્યંત ઝડપી ટાઇપિંગ સ્પીડના આ વીડિયો પર લોકો જબરદસ્ત કોમેન્ટ કરી રહ્યા છે. એક યુઝરે લખ્યું- તેણે આખી ટીમનું કામ એકલા હાથે કર્યું હશે. જ્યારે બીજાએ લખ્યું-આ છોકરો AIનું સ્થાન લેશે.