આવી ગઇ Hyundai ની સૌથી ધાંસૂ SUV, આજે છે Tucson નું વર્લ્ડ પ્રીમિયર

નવી દિલ્હી: Hyundai એ ભારતમાં તાજેતરમાં જ પોતાની Hyundai Tucson ને લોન્ચ કરી હતી. હવે કંપની 2021 Tucson નો 14 સપ્ટેમ્બરના રોજ વર્લ્ડ પ્રીમિયર કરવા જઇ રહી છે. Hyundai એ આ SUV નો ફોટો ટીઝર જાહેર કર્યું છે. આ SUV અપડેટેડ ફીચર્સ અને નવી ડિઝાઇન સાથે ઉતરી જશે.

આ કારનું વર્લ્ડ પ્રીમિયર 14 સપ્ટેમ્બરના રોજ એટલે કે આજે લોસ એન્જિલસમાં અને 15 સપ્ટેમ્બરના રોજ સોલમાં થશે.  Hyundai એ નવી Tucsonના કેટલાક ફોટા પણ જાહેર કર્યા છે. 

નવી 2021 Hyundai Tucson ને નેકસ્ટ લેવલ ડિઝાઇનિંગ ઓફર કરવામાં આવી છે જે બીજી SUVs થી ઘણી સારી લાગી રહી છે. જો કિંમતની વાત કરીએ તો નવી 2021 Tucson ની કિંમત હાલની કિંમત કરતાં વધુ હશે. જોકે તેને લઇને હજુ સુધી કોઇ ખુલાસો કરવામાં આવ્યો નથી.  

જોવામાં શાનદાર છે નવી 2021 Hyundai Tucson
જો એક્સટીરિયરની વાત કરીએ તો તેને એકદમ જ એગ્રેસિવ ડિઝાઇન આપવામાં આવી છે. Hyundai Tucson ની DRLs સીધા ગ્રિલના ટ્રેપજોઇડલ એલિમેંટ્સ સાથે ઇંટીગ્રેટેડ છે. કારના ટેલ લેપ્સની ડિઝાઇન નવી છે અને આ ટોપ હોરિઝેન્ટલ LED લાઇટ બાર દ્વારા કનેક્ટેડ છે. નવી Tucson ના ઓલ વ્હીલ ડ્રાઇવ સિસ્ટમ સાથે આવવાની આશા છે. તેમાં 19 ઇંચ એલોય વ્હીલ્સ આપવામાં આવી શકે છે. 

ઇંટીરિયર પણ કમાલનું
જો હવે ઇંટીરિયરની વાત કરીએ તો નવી Tucson ના કેબિનમાં 10.25 ઇંચ ટચસ્ક્રીન ઇન્ફોટેનમેન્ટ સિસ્ટમ અને એક વાઇડ ફૂલી ડિજિટલ ઇંસ્ટ્રૂમેન્ટ કલસ્ટર મળશે. 2021 ટક્સન પોતાના હાલના મોડલથી આકારમાં ખૂબ મોટી હશે. કંપની આ કારમાં ઓટોમેટિક ક્લાઇમેટ કંટ્રોલ, એર પ્યૂરીફાયર, ફ્રન્ટ વેન્ટીલેટેડ સીટ્સ જેવા પ્રીમિયમ ફીચર્સથી સજ્જ કરી શકે છે.