Nike ના ઓટોમેટિક ફિટિંગવાળા SMART બૂટ લોન્ચ, જાતે બંધાઇ જશે બૂટની દોરી, જાણો કિંમત

જૂતા અને સ્પોર્ટ્સ વિયર બનાવનાર જાણીતિ કંપની નાઇકે (Nike) એ એક સ્માર્ટ જૂતા લોન્ચ કર્યા છે, જેની ખૂબીઓ જાણીને તમે આશ્વર્ય પામશો. આ જૂતાંને પગમાં નાખતાં જ તેના સેંસર પગના આકાર મુજબ જૂતા આકાર બદલી દે છે. એટલે કે પગનો આકાર ભલે ગમે તેવો હોય, આ જૂતા દરેક પગમાં ફીટ આવી જશે. એટલું જ નહી. તમારે નમીને દોરી બાંધવાની જરૂર નથી. મોબાઇલ Appની એક ક્લિક પર આ જૂતાની દોરી આપમેળે બંધાઇ જશે. આ જૂતાનું નામ છે  Nike Adapt BB. આટલી ખૂબીઓ જાણીને જૂતાની કિંમત પણ તમે જરૂર જાણવા માંગશો. 17 ફેબ્રુઆરી 2019થી વેચાણ માટે બજારમાં આવનાર આ જૂતાની કિંમત છે 350 અમેરિકન ડોલર એટલે કે 25000 રૂપિયા. 

Nike નું કહેવું છે કે આ જૂતા તેણે ખાસકરીને ખેલાડીઓ માટે બનાવ્યા છે કારણ કે પગમાં યોગ્ય ફિટિંગ અને દોરી ન ખુલવાની સૌથી વધુ માંગ તેમની હતી. કંપનીના ક્રિએટિવ ડાયરેક્ટર એરિક અવારે જણાવ્યું કે 'અમે નાઇકે એડાપ્ટ માટે બાસ્કેટબોલને જાણીને પસંદ કર્યો કારણે આ જૂતા એથલીટોની માંગ હતી.