હવે Swiggy, Zomato ને બદલે ONDC થી ઓર્ડર કરો ફૂડ! જાણો શું છે ONDC?

ONDC Food Delivery: જ્યારે ભારતીય ફૂડની વાત આવે છે, ત્યારે સમગ્ર વિશ્વ તેની પ્રશંસા કરે છે. ભારતમાં ફૂડ ડિલિવરી સિસ્ટમ પણ સારી છે અને ઘણા સર્વિસ પ્રોવાઇડર્સ લોકોને ઘરે બેસીને ફૂડ ઓર્ડર કરવાની મંજૂરી આપે છે. આજે, જો તમને ઘરે રસોઈ બનાવવાનું મન ન થતું હોય, તો તમે થોડીવારમાં Zomato અથવા Swiggy દ્વારા નજીકની દુકાનમાંથી તમારું મનપસંદ ભોજન મંગાવી શકો છો. પરંતુ હવે એક નવું પ્લેટફોર્મ ONDC Zomato અને Swiggy સાથે કોમ્પિટિટીશન કરવા માટે આવ્યું છે. ONDCએટલે ઓપન નેટવર્ક ફોર ડિજિટલ કોમર્સ આ એક એવું પ્લેટફોર્મ છે જે રેસ્ટોરન્ટ માલિકોને Zomato અથવા Swiggy જેવા થર્ડ પાર્ટી વિના ગ્રાહકોને સીધું ખોરાક વેચવાની મંજૂરી આપે છે. અહીં થર્ડ પાર્ટી ન હોવાથી અહીં ખાવાનું ખૂબ જ સસ્તું મળે છે.