OnePlus ના 5G સ્માર્ટફોન Nord N10 ની કિંમતનો થયો ખુલાસો, આ વર્ષના અંત સુધી થશે લોન્ચ

નવી દિલ્હી: ચીનની પ્રીમિયમ સ્માર્ટફોન નિર્માતા કંપની વનપ્લસના 5જી સ્માર્ટફોન Nord N10 ની રાહ લાંબા સમયથી જોવામાં આવી રહી છે. તાજેતરમાં જ આવેલી લીકમાં તેની કિંમતનો ખુલાસો કરવામાં આવ્યો છે. એક તાજા રિપોર્ટમાં સ્માર્ટફોનની કિંમત $400 (લગભગ 29,500 રૂપિયા)ની આસપાસ હોવાનું જણાવવામાં આવ્યું છે.

માનવામાં આવી રહ્યું છે કે વનપ્લસ ઇપની નોર્ડ સીરીઝના આ ફોનને વર્ષના અંત સુધી અમેરિકામાં લોન્ચ કરી શકે છે. જોકે આ પહેલાં લોન્ચ કરવામાં આવેલા નોર્ડ સીરીઝના ફોન અમેરિકામાં લોન્ચ કરવામાં આવ્યા ન હતા. 

તમને જણાવી દઇએ કે નોર્ડ એન10 5જી સ્માર્ટફોનના સ્પેસિફિકેશનની જાણકારી પણ ઓનલાઇન સામે આવે છે. Android Central નો રિપોર્ટ જણાવે છે કે વનપ્લસ નોર્ડ N10 5G સ્માર્ટફોનમાં 6.49 ઇંચ ફૂલ-એચડી+ ડિસ્પ્લે મળી શકે છે. આ ઉપરાંત આ ફોન સ્નૈપડ્રૈગન 690 પ્રોસેસર અને 6જીબી રેમથી સજ્જ હોઇ શકે છે. ઇન્ટરનલ સ્ટોરેજ 128 જીબી બતાવવામાં આવી છે. આ ફોનમાં કવાડ રિયર કેમેરા સેટઅપ આપવામાં આવી શકે છે, જેનો પ્રાઇમરી કેમેરો 64 મેગાપિક્સલનો હશે. 

તમને જણાવી દઇએ કે તાજેતરમાં જ વનપ્લસ નોર્ડ 100 અને નોર્ડ 105g નામની ફોન કંપનીની વેબસાઇટ પર થોડીવાર માટે લિસ્ટ કરવામાં આવ્યા હતા. જેથી ઇશારો મળ્યો હતો કે આ બે ફોનને ભવિષ્યમાં કંપની લોન્ચ કરી શકે છે. હવે લેટેસ્ટ લીકનું માનીએ તો વનપ્લસ નોર્ડ 105જી ફોન વનપ્લસ નોર્ડ 10 5G હોઇ શકે છે.