લોન્ચ થયો 16GB રેમ અને 64MP કેમેરાવાળો ધાંસૂ ફોન, જાણો કિંમત

Vivo V29 Lite 5G Smartphone ગ્રાહકો માટે લૉન્ચ કરવામાં આવ્યો છે, કંપનીની V સિરીઝમાં લૉન્ચ થયેલા આ લેટેસ્ટ ફોનમાં AMOLED ડિસ્પ્લે, સ્નેપડ્રેગન પ્રોસેસર અને રેમ 3.0 જેવા ફીચર્સ છે. ચાલો અમે તમને Vivo V29 Lite 5G ની કિંમતથી લઈને ફીચર્સ સુધીની વિગતવાર માહિતી આપીએ.

Vivo V29 Lite 5G ના સ્પેસિફિકેશન
Android 13 પર આધારિત Funtouch OS 13 પર ચાલનાર આ ડિવાઇસને ત્રણ વર્ષ માટે સોફ્ટવેર અપડેટ્સ અને બે મુખ્ય Android અપડેટ્સ મેળવવાની ખાતરી આપે છે. ફોનમાં 6.78 ઇંચની ફુલ એચડી પ્લસ AMOLED ડિસ્પ્લે છે જે 120Hz રિફ્રેશ રેટ, 20:9 આસ્પેક્ટ રેશિયો અને 300Hz ટચ સેમ્પલિંગ રેટ સાથે આવે છે.

સ્પીડ અને મલ્ટીટાસ્કિંગ માટે ફોનમાં સ્નેપડ્રેગન 695 પ્રોસેસર સાથે 8 જીબી રેમ આપવામાં આવી છે, આ હેન્ડસેટ કંપની દ્વારા એક્સટેન્ડેડ રેમ 3.0 ફીચર સાથે લોન્ચ કરવામાં આવ્યો છે. તમને જણાવી દઇએ કે 8 જીબી રેમ સાથે 8 જીબી વર્ચ્યુઅલ રેમની મદદથી રેમને 16 જીબી સુધી વધારવી શક્ય બનશે. ડસ્ટ અને રેસિસ્ટેંટ માટે હેન્ડસેટને IP54 રેટિંગ પ્રાપ્ત છે.

ફોનની પાછળની પેનલમાં ત્રણ કેમેરા સેન્સર છે, જેમાં 64-મેગાપિક્સલનો પ્રાથમિક કેમેરા, 2-મેગાપિક્સલનો બોકેહ લેન્સ અને 2-મેગાપિક્સલનો મેક્રો સેન્સર છે. સેલ્ફી માટે ફોનમાં 16 મેગાપિક્સલનો ફ્રન્ટ કેમેરો આપવામાં આવ્યો છે. Vivo V29 Lite 5G માં 44W ફાસ્ટ ચાર્જિંગ સાથે 5000mAh બેટરી છે.

Vivo V29 Lite 5G ની કિંમત
નવા Vivo V29 Lite 5G ની કિંમત અને ઉપલબ્ધતા Vivoની સત્તાવાર વેબસાઇટ પર આપવામાં આવી નથી, પરંતુ મીડિયા રિપોર્ટ્સમાં પ્રેસ રિલીઝને ટાંકીને જણાવવામાં આવ્યું છે કે આ ડિવાઇસની કિંમત CZK 8,499 (લગભગ 32 હજાર રૂપિયા) છે. આ કિંમત ફોનના 8 જીબી રેમ અને 128 જીબી સ્ટોરેજ વેરિઅન્ટની છે. બે વર્ષની વોરંટી સાથે આ ફોન સમર ગોલ્ડ અને ડાર્ક બ્લેક શેડમાં લોન્ચ કરવામાં આવ્યો છે.