WhatsApp ના નવા ફીચર્સે મચાવી ધમાલ! હવે એક નહી અનેક ફોનમાં ચાલશે એપ

WhatsApp એ એન્ડ્રોઇડ પર તેના લેટેસ્ટ અપડેટમાં તમામ બીટા ટેસ્ટર્સ માટે 'કમ્પેનિયન મોડ' સુવિધા શરૂ કરી છે. Wabetainfo દ્વારા અહેવાલ મુજબ, પહેલાં કમ્પેનિયન મોડ ફક્ત બીટા ટેસ્ટર્સના સિલેક્ટેડ ગ્રુપ માટે જ ઉપલબ્ધ હતો. આ સુવિધા, મલ્ટિ-ડિવાઈસ સપોર્ટનું એક્સ્ટેંશન, યૂઝર્સને તેમના વર્તમાન WhatsApp એકાઉન્ટ્સને અન્ય મોબાઇલ ફોન્સ સાથે લિંક કરવાની મંજૂરી આપવા માટે ડિઝાઇન કરવામાં આવી છે.

બીજો ફોન લિંક કરવામાં આવશે
રિપોર્ટ અનુસાર જે યૂઝર્સ તેમના વર્તમાન WhatsApp એકાઉન્ટને સેકેંડરી  મોબાઇલ ફોન સાથે લિંક કરે છે તેઓ હવે તેમના મુખ્ય ફોન પર એક્ટિવ ઇન્ટરનેટ કનેક્શનની જરૂર વગર બીજા ડિવાઇસ પર તેમની ચેટને ઍક્સેસ કરી શકે છે. જ્યારે યુઝર્સ તેમના વોટ્સએપ એકાઉન્ટને નવા મોબાઈલ ફોન સાથે લિંક કરે છે, ત્યારે તેમની ચેટ હિસ્ટ્રી તેમના તમામ લિંક કરેલ ઉપકરણો પર સિંક થઈ જશે.

આ ઉપરાંત અહેવાલમાં ઉલ્લેખ કરવામાં આવ્યો છે કે જ્યારે કમ્પેનિયન મોડ તમામ બીટા ટેસ્ટર્સ માટે ઉપલબ્ધ કરવામાં આવ્યો છે, ત્યારે કેટલીક સુવિધાઓ, જેમ કે બ્રોડકાસ્ટ ગ્રુપને સંચાલન કરવાની ક્ષમતા અને લિંક કરેલ ડિવાઇસમાંથી સ્ટેટસ અપડેટ્સ પોસ્ટ કરવાની ક્ષમતા, હજુ પણ ઉપલબ્ધ નહી હોય. 

દરમિયાન, વોટ્સએપે એક નવું ફીચર 'મેનેજ કોન્ટેક્ટ્સ ઇન એપ' રજૂ કર્યું છે, જે યુઝર્સને એન્ડ્રોઇડ પર કોન્ટેક્ટ્સ એડ અને એડિટ કરવાની મંજૂરી આપે છે.

Android માટે WhatsApp માં કોન્ટેક્ટ ઉમેરવા અને એડિટ કરવાની ક્ષમતા હવે નવીનતમ બીટા વર્જનનો ઉપયોગ કરીને કેટલાક બીટા ટેસ્ટર્સ માટે ઉપલબ્ધ છે અને આગામી દિવસોમાં વધુ યૂઝર્સ માટે રિલીઝ કરવામાં આવશે.