WhatsAppમાં આવી ગયું શોપિંગ બટન, તહેવારોની સીઝનમાં દિલ ખોલીને કરો ખરીદી

નવી દિલ્હી: WhatsApp પર હવે ફક્ત ચેટીંગ જ નહી પરંતુ શોપિંગ પણ કરી શકશે. ચેટીંગ એપ WhatsApp માં શોપિંગ બટનને આખી દુનિયામાં રોલ આઉટ કરી દેવામાં આવ્યું છે. ભારતમાં આ નવા ફીચરને નવા અપડેટમાં એડ કરવામાં આવ્યું છે. 

કંપની તરફથી જાહેર કરવામાં આવ્યું છે કે WhatsApp શોપિંગ બટનને અપડેટ કરવામાં આવ્યું છે. યૂઝર્સને એપમાં જ સ્ટોરફ્રન્ટ આઇકનના રૂપમાં નવું બટન જોવા મળશે. એ જ નવું શોપિંગ બટન છે. આ આઇકનને દબાવતાં સંબંધિત બિઝનેસનું આખું કેટલોક જોઇ શકાશે. કોઇ પ્રોડક્ટ પર ક્લિક કરતાં જ તેને ખરીદવા માટે ચેટ શરૂ કરી શકશે . 

પ્રાપ્ત જાણકારી અનુસાર WhatsApp માં હવે વોઇસ કોલ બટનની જગ્યાએ શોપિંગ આઇકન જોવા મળશે. કંપનીનું કહેવું છે કે ખૂબ જલદી એપમાં એડ ડૂ કાર્ટ અને ચેક આઉટ બટન પણ સામેલ કરવામાં આવશે. 

તમને જણાવી દઇએ કે તાજતરમાં WhatsApp ને યૂપીઆઇ પેમેન્ટ (UPI Payment) શરૂ કરવાની પરવાનગી મળી ગઇ છે. હવે યૂઝર્સ ચેટીંગની સાથે પેમેન્ટ કરી શકે છે.