WhatsAppમાં ટૂંક સમયમાં આવશે નવું ફીચર, યુઝર્સને મળશે આ ફાયદો

Whatsapp Update: Whatsapp એ થોડા સમય પહેલા ટેબલેટ યુઝર્સને એક નવું અપડેટ આપ્યું હતું, જેમાં યુઝર્સ લેફ્ટસાઈડ ચેટ લિસ્ટ અને રાઈટ સાઈડ કોઈની સાથે ચેટ કરી શકે છે. એટલે કે સાઇડ બાય સાઇડનો વિકલ્પ વોટ્સએપ દ્વારા ટેબલેટ યુઝર્સને આપવામાં આવશે. હવે ટૂંક સમયમાં કંપની સાઈડ બાય સાઈડ ઓપ્શનને મેન્યુઅલી ઓફ કરવાની સુવિધા પણ આપવા જઈ રહી છે.

વોટ્સએપના ડેવલપમેન્ટ પર નજર રાખનારી વેબસાઈટ Wabetainfo અનુસાર, WhatsApp એક નવા ફીચર પર કામ કરી રહ્યું છે જે ટેબલેટ યુઝર્સને ચેટ સેટિંગ્સની અંદર 'સાઇડ બાય સાઇડ વ્યૂ' નામથી દેખાશે. વપરાશકર્તાઓ મેન્યુઅલી આ સુવિધાને ચાલુ અથવા બંધ કરી શકે છે. વાસ્તવમાં, ઘણા લોકો વોટ્સએપના સાઇડ-બાય-સાઇડ અપડેટને પસંદ નથી કરી રહ્યા કારણ કે તેઓ લાંબા સમયથી વોટ્સએપના જૂના વર્ઝનનો ઉપયોગ કરી રહ્યા છે..

આ પણ વાંચો:
The Kerala Story પર ભડક્યા CM પિનરાઈ વિજયન, આરએસએસ પર કર્યો પ્રહાર, કહ્યું આ ફિલ્મ
અંબાલાલે કહ્યું; આ આગાહીથી બચીને રહેજો, જાણો ક્યારે આવશે વાવાઝોડું? ક્યાં મચશે તબાહી
કર્ણાટકમાં પીએમ મોદીની સુરક્ષામાં ચૂક! ફૂલની સાથે ફેંકવામાં આવ્યો મોબાઇલ, જુઓ Video

નવા અપડેટ પછી, ચેટ લિસ્ટ ડાબી બાજુ અને ચેટ વિન્ડો જમણી બાજુએ ખુલે છે અને વપરાશકર્તા એક જ સમયે બે વસ્તુઓ કરી શકે છે. કેટલાક લોકોને પ્રાઈવસીના કારણે પણ આ ફીચર પસંદ નહોતું આવતું કારણ કે જ્યારે તેઓ બધાની વચ્ચે બેઠા હોય છે ત્યારે વસ્તુઓ સાથે-સાથે દેખાવા લાગે છે. પરંતુ ટૂંક સમયમાં જ WhatsApp ટેબ્લેટ યુઝર્સને મેન્યુઅલી સાઇડ બાય સાઇડ વ્યૂ ચાલુ/ઓફ કરવાનો વિકલ્પ આપવા જઈ રહ્યું છે.

વોટ્સએપ ચાર અલગ-અલગ ડિવાઈસ પર ચાલી શકે છે
હવે તમે ચાર અલગ-અલગ ઉપકરણો પર WhatsAppનો ઉપયોગ કરી શકો છો. આ માટે તમારે ફક્ત નવા ડિવાઇસ પર WhatsApp ડાઉનલોડ કરવાનું છે અને ઉપર જમણી બાજુએ ક્લિક કરવું પડશે અને જૂના મોબાઇલ ફોન પર દેખાતા QR કોડને સ્કેન કરવો પડશે. એ જ રીતે તમે અલગ અલગ ડિવાઇસ પર WhatsApp ચલાવી શકો છો. સારી વાત એ છે કે બીજા ડિવાઇસ પર WhatsAppનો ઉપયોગ કરવા માટે પ્રાઈમરી ડિવાઇસમાં ડેટા ચાલુ રાખવાની જરૂર નથી. 

વ્યક્તિગત ચેટને લોક કરી શકશે
WhatsApp અન્ય નવા ફીચર પર કામ કરી રહ્યું છે જેના પછી યુઝર્સ વ્યક્તિગત ચેટને લોક કરી શકશે. તમે તેને ફિંગરપ્રિન્ટ, પાસવર્ડ વગેરે દ્વારા લોક કરી શકશો.