જે વિસ્તારોમાં કૂતરાનો ભયંકર ત્રાસ હતો, હાઈકોર્ટે ત્યાંના 2 MPAs ને સસ્પેન્ડ કરી નાખ્યા

ઈસ્લામાબાદ: પાકિસ્તાન (Pakistan) ના સૂબા સિંધની અસેમ્બલીના બે સભ્યો  Members of Provincial Assembly (MPA) ને એક એવા કારણે સસ્પેન્ડ કરાયા કે જાણીને તમને નવાઈ લાગશે. આ બે સભ્યોને સસ્પેન્ડ કરાયા કારણ કે તેઓ પોતાના વિસ્તારોમાં કૂતરા (Dogs) ના ત્રાસથી લોકોને બચાવવાની મુહિમની નિગરાણી ગંભીરતાથી કરતા નહતા. અસેમ્બલીના સભ્યોના સસ્પેન્શનનો ઓર્ડર સિંધ હાઈકોર્ટની 2 સભ્યોની બેન્ચે આપ્યો છે. આ બેન્ચમાં જસ્ટિસ આફતાબ અહેમદ અને જસ્ટિસ ફહીમ સિદ્દીકી સામેલ હતા. 

કોર્ટે પોતાના આદેશમાં જણાવ્યું કે મેમ્બર્સ ઓફ અસેમ્બલી પોતાના વિસ્તારના લોકોને સગવડ ઉપલબ્ધ કરાવવામાં નિષ્ફળ ગયા છે. આ સાથે જ કોર્ટે અન્ય જિલ્લાના મેમ્બર્સને પણ કહ્યું કે તેમને પણ સસ્પેન્ડ કરવામાં આવી શકે છે. 

આ અગાઉ સુનાવણી દરમિયાન સરકારી વકીલે કહ્યું હતું કે કૂતરાના બચકા ભરવાની ઘટના સાથે સભ્યોને કોઈ લેવાદેવા નથી. જેના પર કોર્ટે કહ્યું કે અમને ખબર છે, અમારું મોઢું ન ખોલાવો તો સારું રહેશે. લોકોની સુરક્ષા કરવી એ Members of Provincial Assembly (MPA) ની જવાબદારી છે. કોર્ટે કહ્યું કે અમને ખબર છે કે આ ઓફિસર ફંડથી કોને કમિશન અપાય છે. 

એટલું જ નહીં કોર્ટે એમ પણ કહ્યું કે કૂતરાના બટકા ભરવાની ઘટના જે વિસ્તારમાં ઘટી ત્યાં એમપી સેનેટ ચૂંટણી દરમિયાન મત પણ નાખી શકશે નહીં. આ સાથે જ ઘટના ઘટનારા વિસ્તારના અધિકારીઓના પગાર પણ બંધ થાય અને સરપ્લસમાં રાખવામાં આવે. જેમને સસ્પેન્ડ કરવામાં આવ્યા તેમના નામ ફર્યાલ તાલપુર અને મલિક અસદ સિકંદર છે.