કોરોના: ટ્રમ્પે અમેરિકી નાગરિકોને વોરિયર્સ ગણાવીને શટડાઉન ખોલી નાખવાની કરી વાત

વોશિંગ્ટન: અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે કોરોના વાયરસના સંક્રમણ વચ્ચે અમેરિકી નાગરિકોને તેઓ વોરિયર્સ તરીકે તરીકે જૂએ છે. ટ્રમ્પ એરિઝોના પ્રાંત પહોંચ્યા અને અહીં તેમણે એન95 માસ્ક બનાવનારી હનીવેલ ફેસિલિટીની મુલાકાત લીધી. આ દરમિયાન ટ્રમ્પે ફરીએકવાર શટડાઉન ખોલવાની અને કામ પર પાછા ફરવાની વાત દોહરાવી.

હનીવેલ ફેસિલિટીની મુલાકાતે આવેલા ટ્રમ્પે કહ્યું કે હું અમેરિકાના લોકોને વોરિયર્સ તરીકે જોઉ છું. હું દેશના લોકોની દ્રઢતાને ધન્યાવાદ આપુ છું. આપણે અનેક અમેરિકી નાગરિકોના જીવ બચાવી લીધા છે. હવે આપણો દેશ કોરોના સામેની આ જંગના આગામી તબક્કામા છે- તે છે સુરક્ષિત અને દેશને ફરીથી ખોલવાના તબક્કામાં. 

N-95 માસ્ક બનાવનારી હનીવેલ ફેસીલિટી પહોંચ્યા ટ્રમ્પ
અમેરિકી રાષ્ટ્રપતિ ડોનાલ્ડ ટ્રમ્પે કહ્યું કે સામાન્ય રીતે આવી એક ફેસીલિટી તૈયાર કરવામાં 9 મહિનાનો સમય લાગે છે. પરંતુ હનીવેલે શાનદાર કામ કરીને 5 અઠવાડિયાની પણ અંદર આવી 2 ફેક્ટરી બનાવી લીધી. અહીં 20 મિલિયન માસ્કનું પ્રોડ્કશન થયું. અમેરિકામાં કોરોનાને રોકવા માટે અનેક પ્રાંતમાં શટડાઉન છે અને ટ્રમ્પ હવે તેને ખોલવા માંગે છે. જેથી કરીને ઈકોનોમી પ્રભાવિત ન થાય. આ જ કારણે ફેડરલ સરકાર અને પ્રાંતીય સરકારો વચ્ચે ખેંચતાણ ચાલી રહી છે. 

જુઓ LIVE TV