કોરોના, ઓમિક્રોનના મુકાબલા માટે નવા એન્ટિબોડીની શોધ, વૈજ્ઞાનિકોએ કહ્યું `ગોડ ગિફ્ટ`

બીજિંગઃ વૈશ્વિક સ્તરે સામે આવી રહેલા કોરોના અને ઓમિક્રોનના કેસો વચ્ચે રાહતના સમાચાર છે. ચાઇનીઝ વૈજ્ઞાનિકોએ દાવો કર્યો છે કે તેઓએ એક શક્તિશાળી નવી સિન્થેટિક એન્ટિબોડી શોધી કાઢી છે જે કોવિડ-19નું કારણ બનેલા વાયરસ SARS-Cov-2 સામે લડી શકે છે.

અન્ય રોગની તપાસ દરમિયાન થઈ શોધ
અમારી સહયોગી વેબસાઈટ વિયોનના સમાચાર મુજબ, શાંઘાઈની ફુડન યુનિવર્સિટીના સંશોધકોનું માનવું છે કે તેઓએ જે સિન્થેટિક એન્ટિબોડી શોધી છે તે કોરોના વેરિઅન્ટ ઓમિક્રોનને હરાવવામાં પણ મદદરૂપ સાબિત થઈ શકે છે. સંશોધકોએ અન્ય રોગની તપાસ દરમિયાન આ એન્ટિબોડી શોધી કાઢી હતી. ફુડન યુનિવર્સિટીના પ્રિન્સિપાલ સાયન્ટિસ્ટ પ્રોફેસર હુઆંગ જિંગેના જણાવ્યા અનુસાર, આ શોધે મનુષ્યને રોગચાળા સામેની રેસમાં એક ડગલું આગળ મૂકી દીધું છે.

વાયરસની સુરક્ષાને તોડવામાં છે સક્ષમ 
એન્ટિબોડીઝની શોધ વિશે એક લેખ બાયોરેક્સિવ પ્રીપ્રિન્ટ વેબસાઇટ પર પ્રકાશિત કરવામાં આવ્યો છે. જો કે, શોધના રિપોર્ટની સમીક્ષા કરવાની બાકી છે. સાઉથ ચાઇના મોર્નિંગ પોસ્ટ સાથે એક ઇન્ટરવ્યુમાં પ્રોફેસર હુઆંગ જિંગેએ જણાવ્યું હતું કે તેણે આકસ્મિક રીતે SARS-CoV-2 નો સામનો કરવા માટે માનવ રોગપ્રતિકારક કોષો દ્વારા ઉત્પાદિત બે અલગ અલગ કુદરતી એન્ટિબોડીઝમાંથી આ એન્ટિબોડીની શોધ કરી. બંને કુદરતી એન્ટિબોડીમાં ઓમિક્રોનને રોકવાની ક્ષમતા ઓછી હતી, પરંતુ નવા માનવસર્જિત એન્ટિબોડી વાયરસની સુરક્ષા તોડવામાં સક્ષમ હતો.

ભગવાનની કૃપાથી થઈ શોધ
ઝિંગેએ કહ્યું કે ઓમિક્રોનને માત્ર પૃથ્વી પરના મુઠ્ઠીભર એન્ટિબોડીઝ દ્વારા બેઅસર કરી શકાય છે. તેમને લાગે છે કે તેમના પર ભગવાનની કૃપા થઈ છે. સંશોધકે આ શોધને "ભગવાન તરફથી ભેટ" ગણાવી અને કહ્યું કે તે અલ્ટ્રા-ટ્રાન્સમિસિબલ વાયરસ સામેની રેસમાં માનવોને "એક પગલું આગળ" રાખશે. હુઆંગે સમજાવ્યું કે તે ઓમિક્રોન વિરોધી એન્ટિબોડીઝ વિકસાવવાનો પ્રયાસ કરી રહ્યો ન હતો, પરંતુ અન્ય ચેપી રોગ પર સંશોધન કરી રહ્યો હતો. આ દરમિયાન, એન્ટિબોડીની અસર શોધ્યા પછી, તેને ઓમિક્રોન પર પણ પરીક્ષણ કરવાનો નિર્ણય લેવામાં આવ્યો. અહેવાલ મુજબ, તેમની એન્ટિબોડી SARS-Cov-1 ની સાથે SARS-Cov-2 ના અન્ય સંસ્કરણો સામે અસરકારક છે. આશા છે કે આ ભવિષ્યમાં અન્ય નવા વેરિએન્ટની સામે પણ કામ કરશે.