VIDEOમાં દાવો: ભારતીય સરહદે પોસ્ટિંગ થતા જ ધ્રુસકે ધ્રુસકે રડવા લાગ્યા ચીની સૈનિકો

તાઈપે: લદાખ(Ladakh)  માં ભારત (India) અને ચીન (China) વચ્ચે તણાવ હજુ ચાલુ છે. બંને દેશો આ દુર્ગમ વિસ્તારમાં શિયાળો શરૂ થવાની તૈયારી હોવા છતાં પોતાના સૈનિકોની તૈનાતી વધારી રહ્યા છે. આ બધા વચ્ચે ચીની સેનાના જવાનોનો એક વીડિયો સોશિયલ મીડિયામાં ઝડપથી વાયરલ થઈ રહ્યો છે. જેમાં દાવો કરવામાં આવે છે કે આ સૈનિકો ભારત સરહદે પોતાનું પોસ્ટિંગ થતા રડી રહ્યા છે. આ વીડિયો પહેલા ચીનના સોશિયલ મીડિયા વીચેટ પર પોસ્ટ કરાયો હતો પરંતુ બેઈજ્જતી થવાના ડરથી ચીની પ્રશાસને તેને ડિલિટ કરાવી દીધો હતો. 

ભારતસરહદે તૈનાતી થતા રડવા લાગ્ય ચીની સૈનિકો!
તાઈવાન ન્યૂઝના એક રિપોર્ટમાં દાવો કરાયો છે કે આ વીડિયો ફૂયાંગ રેલવે સ્ટેશને જતી વખતે બસમાં શૂટ કરાયો હતો. સેનામાં નવા ભરતી થયેલા આ જવાનોને અહીંથી ટ્રેનિંગ બાદ ભારત સાથે જોડાયેલી ચીનની સરહદે પોસ્ટિંગ માટે મોકલાઈ રહ્યા હતાં. આ જવાનોને પહેલા હુબેઈ પ્રાંતના એક મિલેટ્રી કેમ્પમાં જવાનું હતું. ત્યાંથી તેમની પોસ્ટિંગ ભારતીય સરહદે થવાની હતી.