થોડા દિવસમાં બદલાયું અમેરિકાનું વલણ? ટ્વીટર પર વ્હાઇટ હાઉસે મોદીને કર્યાં અનફોલો

વોશિંગ્ટનઃ કોરોના વાયરસ મહાસંકટ વચ્ચે જ્યારે અમેરિકાને હાઇડ્રોક્સીક્લોરોક્વીન દવાની મદદની જરૂર હતી, ત્યારે ભારતે આગળ વધીને તેની મદદ કરી હતી. તેના થોડા દિવસ બાદ વ્હાઇટ હાઉસે સોશિયલ મીડિયા પર વડાપ્રધાન નરેન્દ્ર મોદી સહિત ભારતના 6 ટ્વીટર હેન્ડરને ફોલો કરવાનું શરૂ કર્યું હતું. પરંતુ એકવાર ફરી વ્હાઇટ હાઉસે આ તમામ હેન્ડલને અનફોલો કરી દીધા છે. 

ભારતે જ્યારે કોરોના સામે લડાઈ માટે હાઇક્રોક્સીક્લોરોક્વીન આપવાનો નિર્ણય લીધો, ત્યારબાદ 10 એપ્રિલે વ્હાઇટ હાઉસના ટ્વીટર હેન્ડલે ઘણા ભારતીય ટ્વીટર હેન્ડલને ફોલો કર્યાં હતા. 

તેમાં વડાપ્રધાન નરેન્દ્ર મોદી, વડાપ્રધાન કાર્યાલય, રાષ્ટ્રપતિ ભવન, અમેરિકામાં ભારતીય દૂતાવાસ અને ભારતમાં અમેરિકી દૂતાવાસને ફોલો કર્યું હતું. આ સિવાય ભારતમાં અમેરિકાના રાજદૂત કેન જસ્ટરને પણ ફોલો કર્યાં હતા.