અમેરિકા પર ત્રાટક્યું સદીનું સૌથી મહા શક્તિશાળી વાવાઝોડું, વિનાશક વંટોળ સામે મહાસત્તા પણ હાર્યું

Cyclone Hurricane Milton Attack : આ સદીનું સૌથી મોટું કહી શકાય તેવું મહા શક્તિશાળી વાવાઝોડું અમેરિકામાં ત્રાટક્યુ છે. હરિકેન મિલ્ટન ગુરુવારે સવારે અમેરિકાના ફ્લોરિડા રાજ્યના 'સિએસ્ટા કી' શહેરના કિનારે ત્રાટક્યું હતું. જેના કારણે ફ્લોરિડાના સેન્ટ પીટ્સબર્ગમાં છેલ્લા એક હજાર વર્ષમાં સૌથી વધુ વરસાદ થયો છે. 3 કલાકમાં 16 ઈંચ વરસાદ થયો છે. જે દર 3 મહિને થતું હતું.

મિલ્ટન ફ્લોરિડામાં ત્રાટકનાર વર્ષનું ત્રીજું વાવાઝોડું છે. સિએસ્ટા કીમાં દરિયાકાંઠે અથડાતા પહેલા તે કેટેગરી 5 નું હરિકેન હતું. અસર સમયે, તે કેટેગરી 3 બની ગયું હતું અને હવે તેને કેટેગરી 2 વાવાઝોડું જાહેર કરવામાં આવ્યું છે. આ હોવા છતાં, તે ખૂબ જ જોખમી છે.

વાવાઝોડાને કારણે ફ્લોરિડાના અનેક શહેરોમાં 193 કિલોમીટર પ્રતિ કલાકની ઝડપે પવન ફૂંકાઈ રહ્યો છે. અમેરિકન મીડિયા અનુસાર, ફ્લોરિડામાં લગભગ 1 મિલિયન લોકો તેમના ઘરોમાં વીજળી વિના રઝળી પડ્યા છે. 20 લાખ લોકો પૂરના જોખમમાં છે. સ્થિતિ એટલી ખરાબ છે કે કેટલાક વિસ્તારોમાં લોકોની સુરક્ષા માટે તૈનાત પોલીસ કર્મચારીઓને પણ સલામત સ્થળે પાછા ફરવાના આદેશ આપવામાં આવ્યા છે.

અમેરિકાના ફ્લોરિડામાં લગભગ 20 લાખ લોકો હરિકેન મિલ્ટનને કારણે વીજળી વિના જીવવા મજબૂર છે. તે કેટેગરી 5 માં આવે છે, જે તોફાનોમાં સૌથી વિનાશક છે, જેમાં હંમેશા જીવન અને સંપત્તિનું ભારે નુકસાન થાય છે.  હરિકેન મિલ્ટન ગુરુવારે સવારે ફ્લોરિડામાં લેન્ડફોલ કર્યું હતું. નેશનલ હરિકેન સેન્ટરે તેને સૌથી ખતરનાક ચક્રવાતની શ્રેણીમાં રાખ્યું છે. ગયા મહિને પણ હેલેન વાવાઝોડાને કારણે રાજ્યમાં ભારે તારાજી સર્જાઈ હતી અને 200થી વધુ લોકોના જીવ ગયા હતા, જે કેટેગરી 4 હતી. હવે જે વાવાઝોડું આવ્યું છે તેના વિશે એવું માનવામાં આવે છે કે આ ચક્રવાત વધુ વિનાશ લાવી શકે છે. કારણ કે તે કેટેગરી 5 અથવા સૌથી વધુ શ્રેણીનું છે. જો કે, અત્યાર સુધી તે આગાહી કરે તેટલું ભયંકર સાબિત થતું હોય તેવું લાગતું નથી. જોરદાર પવનની ઝડપ પણ કેટેગરી 3ની જ જણાય છે. પરંતુ ક્યારેક આ વાવાઝોડું તેની જાણીતી પેટર્ન બદલી નાખે છે, તેથી ચિંતા હજુ પણ રહે છે.

લોકોની મુશ્કેલી વધી છે
ફ્લોરિડાના ગવર્નર રોન ડીસેન્ટિસે જણાવ્યું હતું કે વાવાઝોડાએ ઓછામાં ઓછા 19 ટોર્નેડો પેદા કર્યા હતા અને અનેક કાઉન્ટીમાં નુકસાન પહોંચાડ્યું હતું, લગભગ 125 ઘરોનો નાશ કર્યો હતો, જેમાંથી મોટાભાગના મોબાઇલ ઘરો હતા. વાવાઝોડાએ પહેલાથી જ રાજ્યમાં ગેસોલિનની માંગમાં વધારો કર્યો છે, લગભગ એક ચતુર્થાંશ ઇંધણ સ્ટેશનો પુરવઠાની બહાર છે. વાવાઝોડાને કારણે પાણી પુરવઠાને પણ અસર થઈ છે. અનેક જગ્યાએ પાઈપલાઈન તૂટી ગઈ છે જેના કારણે લોકોની મુશ્કેલી વધી છે. ફ્લોરિડામાં ગલ્ફ કોસ્ટ અને તેની આસપાસ રહેતા લોકોને સલામત સ્થળે ખસેડવામાં આવ્યા છે.