લાહોરઃ પાકિસ્તાનના લાહોરમાં આજે જે દાતા દરબાર દરગાહ પર ફિદાયિન હુમલો થયો છે તે દક્ષિણ એશિયાની સૌથી મોટી અને 11મી સદીમાં બનેલી છે. મીડિયા રિપોર્ટ્સ અનુસાર આ દરગાહની બહાર તૈનાત પાકિસ્તાનની પંજાબ પોલીસની વિશેષ ટૂકડી 'એલાઈટ ફોર્સ'ના વાહનને નિશાન બનાવીને આ હુમલો કરાયો હતો. પાકિસ્તાન સ્થિત તાલિબાને આ હુમલાની જવાબદારી લીધી છે અને અત્યાર સુધી 5 પોલીસ કર્મચારી સહિત અનેક સામાન્ય નાગરિકના આ હુમલામાં મોત થયા છે. 


COMMERCIAL BREAK
SCROLL TO CONTINUE READING

જાણો દરગાહની વિશેષતા 
1. દાતા દરબાર 11મી સદીના સુફી સંત અબુ હસન અલ હુજવીરીની દરગાહ છે. તેમને 'દાતા ગંજ બખ્શ' પણ કહેવામાં આવે છે. 11મી સદીમાં આ સુફી સંત અહીં રહેતા હતા. 


2. દાતા દરબારના ઉર્સમાં દર વર્ષે લગભગ 10 લાખથી વધુ લોકો આવે છે. 


3. જનરલ ઝિયા-ઉલ-હકના કાર્યકાળ દરમિયાન આ દરગાહનું રિનોવેશન કરીને તેનો વિસ્તાર મોટો બનાવાયો હતો. 


4. 1960માં પાકિસ્તાનની સરકારે 'વક્ફ અધ્યાદેશ' અંતર્ગત આ દરગાહને પોતાના નિયંત્રણમાં લઈ લીધી હતી. 


[[{"fid":"214109","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","field_deltas":{"1":{"format":"default","field_file_image_alt_text[und][0][value]":false,"field_file_image_title_text[und][0][value]":false}},"link_text":false,"attributes":{"class":"media-element file-default","data-delta":"1"}}]]


પાકિસ્તાનમાં આતંકી હુમલોઃ દાતા દરબાર દરગાહ નજીક વિસ્ફોટમાં 5નાં મોત, 20થી વધુ ઘાયલ 


5. 1965માં દરગાહની નજીક દર વર્ષે બે દિવસ 'મહેફિલ-એ-શમા' નામથી અહીં કવ્વાલી મહોત્સવનું આયોજન શરૂ થયું હતું. 1992માં આ આયોજનને નજીકની જ એક સ્કૂલમાં ખસેડવામાં આવ્યું છે. 


6. આ અગાઉ, 1 જુલાઈ, 2010ના રોજ અહીં બે આત્માઘાતી બોમ્બ વિસ્ફોટ થયા હતા. એ હમલામાં 50 લોકોનાં મોત થયા હતા અને 200થી વધુ લોકો ઘાયલ થયા હતા. 


તાલિબાન સાથે હાથ મિલાવી ISIનો ભારતમાં અશાંતિ ફેલાવાનો નવો પ્લાન 


સવારે 8.45 કલાકે થયો હુમલો 
અશફાક અહેમદ ખાન - ડીઆઈજી(ઓપરેશન્સ) લાહોરે જણાવ્યું કે, "આ ફિદાયિન હુમલો સવારે 8.45 કલાકે ગેટ નંબર-2ની બહાર 'એલાઈટ ફોર્સ'ના વાહનને નિશાન બનાવીને કરાયો હતો. અત્યાર સુધી આ હુમલામાં 8નાં મોત થયા છે અને 24થી વધુ ઘાયલ થયા છે." 


એલાઈટ ફોર્સ
'એલાઈટ ફોર્સ' એ પંજાબ પોલીસની આતંકવાદ વિરોધી ઓપરેશન હાથ ધરતી વિશેષ શાખા છે.. આ ટીમ આતંકવાદ વિરોધી ઓપરેશન, અતી જોખમવાળા રિસર્ચ ઓપરેશન, દરોડા પાડવા અને રાહત-બચાવ કાર્યોનું કામ કરે છે. 


દુનિયાના વધુ સમાચાર જાણવા અહીં કરો ક્લિક....