Washington DC Firing: USA માં મ્યૂઝિક કોન્સર્ટ દરમિયાન ફાયરિંગમાં એક બાળકનું મોત, પોલીસ અધિકારી સહિત અનેક ઘાયલ

Multiple people shot in Washington DC: અમેરિકામાં ફરીથી એકવાર ફાયરિંગની ઘટના ઘટી છે. વોશિંગ્ટન ડીસીમાં એક મ્યુઝિક કોન્સર્ટ દરમિયાન ફાયરિંગના અહેવાલ છે. અમેરિકી મીડિયાના રિપોર્ટ્સ મુજબ વોશિંગ્ટન ડીસીમાં થયેલા ફાયરિંગમાં એક બાળકનું મોત થયું છે. જ્યારે 2 અન્ય નાગરિક અને એક પોલીસ અધિકારી ઘાયલ થયા છે.  

મેટ્રોલપોલિટન પોલીસ વિભાગના એક પ્રવક્તાએ જણાવ્યું કે 14મી અને યુ સ્ટ્રીટ પર ફાયરિંગ દરમિયાન એક પોલીસ અધિકારી સહિત અનેક લોકોને ગોળી મારવામાં આલવી. શુટિંગના વીડિયોમાં અધિકારીઓ રસ્તા પર પડેલા લોકોની મદદ કરતા જોવા મળી રહ્યા છે. વોશિંગ્ટન ડીસીમાં ઘટેલી ફાયરિંગની ઘટના બાદ મેટ્રોપોલિટન પોલીસ કાર્યવાહીમાં લાગી છે અને ફાયરિંગ કરનારા શખ્સની શોધ કરી રહી છે. જો કે  હજુ સુધી આ ફાયરિંગ કર્યું કોણે તે જાણવા મળ્યું નથી. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

જુઓ Live TV