Mirusvirus Alert: વિશ્વમાં તબાહી મચાવી રહ્યો છે નવો હાઇબ્રિડ વાયરસ! વૈજ્ઞાનિકોએ કહ્યું- આવું ક્યારેય જોયું નથી

Mirusvirus Symptoms: એક નવા અને અનોખા વાયરસે વૈજ્ઞાનિકોનું ટેન્શન વધાર્યુ છે. સંશોધકોનું કહેવું છે કે તેઓએ આવો વાયરસ આ પહેલા જોયો નથી. આ બાકીના કરતાં સંપૂર્ણપણે અલગ છે. કહેવામાં આવી રહ્યું છે કે આ નવો વાયરસ આર્કટિકથી લઈને એટલાન્ટિક મહાસાગર સુધી છે. આ નવા વાયરસનું નામ માઈરસ વાયરસ (Mirusvirus) છે. માઈરસ લેટિન શબ્દ છે, જેનો અર્થ અનોખો અથવા વિચિત્ર થાય છે. એક રિપોર્ટ અનુસાર, સમુદ્રમાં રહેલા પ્લેકટોન્સ માઈરસ વાયરસથી સંક્રમિત થયા છે. આવી સ્થિતિમાં ખતરો વધી ગયો છે. માઈરસ વાયરસ ઝડપથી ફેલાઈ રહ્યો છે. આવો જાણીએ આ અનોખા નવા વાયરસ માઈરસ વાઈરસથી શું નુકસાન થઈ શકે છે?

મનુષ્ય અને પ્રાણીઓ બંનેમાં ફેલાય છે

જાણો કે માઈરસ વાયરસ ડુપ્લોડીએનએવરિયાનો એક ભાગ છે. આ જૂથમાંથી હર્પીસ વાયરસ પણ છે જે મનુષ્ય અને પ્રાણીઓ બંનેને ચેપ લગાડે છે. એવું કહેવામાં આવી રહ્યું છે કે હર્પીસ વાયરસ અને માઈરસ વાયરસ જેનેટિકલી એકબીજા સાથે રિલેટેડ  છે. આ ઉપરાંત માઈરસ વાઈરસમાં જોઈન્ટ વાયરસ VariDNAvaria ના જેનેટિક કેરેક્ટર પણ જોવા મળે છે.

આ પણ વાંચો:
ભાવનગર ડમીકાંડ મામલે પોલીસની મોટી કાર્યવાહી; વધુ 6 લોકોની અટકાયત, જાણો આ લિસ્ટ
રાશિફળ 21 એપ્રિલ: આ રાશિના લોકો મળશે GOOD NEWS, મકર રાશિના લોકો ખાસ વાંચે
આખરે દિલ્હી જીત્યું, ઘર આંગણે કોલકાતાને 4 વિકેટથી પછાડ્યું

ક્રોસબીડ છે માઈરસ વાયરસ 

તમને જણાવી દઈએ કે નેચર જર્નલમાં માઈરસ વાઈરસ પર એક અભ્યાસ પ્રકાશિત થયો છે. જેમાં જણાવવામાં આવ્યું છે કે VariDNAVaria અને DuploDNAVaria વચ્ચેનો હાઇબ્રિડ વાયરસ માઈરસ વાયરસ છે. સીએનઆરએસના એક વૈજ્ઞાનિકે કહ્યું કે માઈરસ વાઈરસ એક અલગ પ્રકારનો વાયરસ છે. આવો વાયરસ આ પહેલા ક્યારેય જોવા મળ્યો નથી. માઈરસ વાયરસ એ બે વાયરસની ક્રોસબ્રીડ છે.

આ રીતે માઈરસ વાઈરસની શોધ થઈ

એવું પણ કહેવામાં આવ્યું છે કે વૈજ્ઞાનિકો આ નવા અનોખા વાયરસ વિશે વધુ માહિતી મેળવી શક્યા નથી. વૈજ્ઞાનિકોએ વાયરસને શોધવા માટે એક્સપેડિશનના ડેટાનો ઉપયોગ કર્યો. આ સિવાય વર્ષ 2009 થી 2013 દરમિયાન દરિયાના પાણીના ઘણા સેમ્પલ લેવામાં આવ્યા હતા. આમાં પ્લાન્કટોન, શેવાળ અને વાયરસ મળી આવ્યા હતા. આ પછી, સંશોધકોએ ઘણા જીવાણુઓનો ડીએનએ ટેસ્ટ કર્યો.

માઈરસ વાયરસ કેવી રીતે નુકસાન પહોંચાડે છે?

વૈજ્ઞાનિકોનું કહેવું છે કે આ એક ક્રાંતિકારી શોધ છે. માઈરસ વાયરસ એ ડબલ-સ્ટ્રેન્ડેડ ડીએનએ વાયરસ છે. સમુદ્રના પ્રકાશવાળા વિસ્તારોમાં જોવા મળે છે. તે સમુદ્રના મોજા દ્વારા એક જગ્યાએથી બીજી જગ્યાએ પહોંચે છે. આનાથી આવનારા સમયમાં દરિયામાં હાજર કાર્બન અને પોષક તત્વોને નુકસાન થશે.