અમદાવાદમાં હવે ચાર પગવાળા દૂધ ચોરનો આતંક: ડિલીવરી કરતા બોયને દૂધ રેઢુ મુકવું પડ્યું ભારે, દ્રશ્યો CCTVમાં કેદ

ઝી બ્યુરો/અમદાવાદ: અમદાવાદમાં એક અનોખા દૂધ ચોરે આતંક મચાવ્યો છે અને એ દૂધ ચોર કોઈ માણસ નથી પરંતુ એક બિલાડી અને તેનું બચ્ચું છે. આ ઘટનાનો સોશિયલ મીડિયામાં એક વીડિયો વાયરલ થઈ રહ્યો છે.

શહેરના ગોતા વિસ્તારની એક સોસાયટીમાંથી આ અનોખો કિસ્સો સામે આવ્યો છે. જેમાં એક બિલાડી અને તેનું બચ્ચું દૂધના પાઉચની ચોરી કરતા હોય તેવા દ્રશ્યો CCTVમાં કેદ થયા છે.  

દૂધની ડિલીવરી કરવા આવેલો વ્યક્તિ જ્યારે પોતાનું વાહન મુકીને દૂધ આપવા જાય છે ત્યારે જ આ ચાલાક બિલાડી અને તેનું બચ્ચું ત્યાં આવે છે. અને દૂધની કોથળી ભરેલા થેલામાંથી એક દૂધની કોથળી ઉઠાવી જાય છે. અને પછી આરામથી તેમાંથી દૂધ પીવાની મજા માણે છે.