કેવી રીતે સર્જાઇ ઇન્ડોનેશિયન વિમાન દુર્ઘટના, દરિયામાંથી મળ્યાં પ્લેનના ટુકડા

જકાર્તા: ઇન્ડોનેશિયામાં લાયન એર દુર્ઘટના બાદ વિમાનનો એક ભાગ મળી આવ્યો છે. આ દુર્ઘટનાગ્રસ્ત વિમાનમાંથી બ્લેક બોક્સ મળી આવ્યા પછી મરજીવાઓએ લેન્ડિંગ ગિયરનો એક ટુકડો પાછો મેળવી લીધો છે. અધિકારીઓએ જણાવ્યું છે કે મળી આવેલા બ્લેક બોક્સથી આ દૂર્ઘટનાના કારણોને જાણવામાં મદદ મળી શકે છે.

લાયન એરનું બોઇન્ગ-737 મેક્સ 8 વિમાન ગત સોમવારે રાજધાની જકાર્તાથી ઉડાન ભર્યાની 12 મીનિટ પછી જાવાની પાસે દરિયામાં દુર્ઘટનાગ્રસ્ત થઇ નીચે પડ્યું હતું. તેમાં સવાર 189 લોકોના મોત થયા હતા. આ વિમાન થોડા મહિના પહેલા જ સેવા માટે ઉપયોગમાં લેવામાં આવ્યું હતું. આ દુર્ઘટના પછીથી તપાસ ટીમ દરિયામાં ઉંડે સુધી જઇ વિમાનનો મુ્ખ્ય ભાગમાં તપાસ હાથ દરી હતી.