Rath Yatra In Israel: ભારતમાં જ નહીં આ દેશમાં પણ યોજાઈ રથયાત્રા, વિદેશીઓ સહિત ભક્તો જોડાયા

Rath Yatra In Israel: ઇઝરાયેલમાં ભગવાન જગન્નાથની રથયાત્રાનો ઉત્સવ ચાલી રહ્યો હોવાથી શુક્રવારે સોશિયલ મીડિયા પ્લેટફોર્મ પર એક વીડિયોમાં ઇઝરાયેલના સ્થાનિક લોકોને રથયાત્રાના પ્રસંગે ઉજવણી કરતા તેમજ 'હરે રામ હરે કૃષ્ણા'ના નારા લગાવતા જોવા મળ્યા હતા. વિદેશી મહિલાઓ સાડી અને ભક્તો પરંપરાગત વસ્ત્રોમાં જોવા મળ્યા હતા. તેઓ ફૂલો અને ફુગ્ગાઓ સાથે શોભાયાત્રામાં આગળ વધતા જોવા મળી રહ્યા છે.

આ પહેલા યુદ્ધમાં રોકાયેલા બે દેશ યુક્રેન અને રશિયાના શ્રદ્ધાળુઓએ સંયુક્ત રીતે કોલકાતામાં ઇન્ટરનેશનલ સોસાયટી ફોર કૃષ્ણા કોન્શિયસનેસ (ઇસ્કોન) દ્વારા આયોજિત 'ઉલ્ટા રથયાત્રા' અથવા ભગવાન જગન્નાથની વાપસી કાર ઉત્સવનું ઉદ્ઘાટન કર્યું, આ સાથે શાંતિ અને અહિંસાનો સંદેશ મોકલ્યો.

જેમાં દુનિયાભરના 150 દેશના 600 વિદેશીઓ સહિત હજારો ભક્તો સામેલ થયા. જેમણે પાર્ક સ્ટ્રીટ-આઉટ્રામ રોડથી અડીને આવેલા કોલકાતા મેદાનથી શરૂ કરાયેલી 'ઉલ્ટા રથ' શોભાયાત્રામાં ભાગ લીધો હતો અને અલ્બર્ટ રોડ પર રાધા કૃષ્ણ મંદિર પર સમાપ્ત કરી હતી.