Ajab Gajab: 27 રાજ્યો અને 14 દેશનો જમાઈ! આ વ્યક્તિએ 32 વર્ષમાં કર્યા 100 લગ્ન, લીધા નથી કોઈથી છૂટાછેડા

સમગ્ર વિશ્વમાં તમામ પ્રકારના રેકોર્ડ્સ (Guinness World Records) બન્યા છે અને આ પ્રથા ભવિષ્યમાં પણ ચાલુ રહેશે. ઘણા લોકો હજુ પણ આ માટે પ્રયાસ કરી રહ્યા છે. કેટલાક સૌથી લાંબા નખનો રેકોર્ડ બનાવી રહ્યા છે તો કેટલાક સૌથી લાંબી દાઢીનો રેકોર્ડ બનાવી રહ્યા છે. આજે અમે તમને એક એવી વ્યક્તિ વિશે જણાવવા જઈ રહ્યા છીએ, જેણે સૌથી વધુ લગ્ન કરવાનો રેકોર્ડ બનાવ્યો છે.

તેણે 100 થી વધુ મહિલાઓ સાથે લગ્ન કર્યા છે. આ લગ્ન 1949થી 1981 ની વચ્ચે થયા હતા. આશ્ચર્યની વાત એ છે કે લગ્ન (Marriage Records)  છૂટાછેડા વગર કરવામાં આવ્યા હતા. આના કારણે તેણે વિશ્વમાં સૌથી વધુ વિવાહ ધરાવનારનો રેકોર્ડ પોતાના નામે કર્યો છે.

ગિનિસ વર્લ્ડ રેકોર્ડ્સે ટ્વિટર પર આનો એક વીડિયો શેર કર્યો છે. આમાં (Giovanni Vigliotto)  વાર્તા કહેવામાં આવી છે. એવું કહેવાય છે કે તેનું અસલી નામ જીઓવાન્ની વિગ્લિઓટ્ટો નહોતું, પરંતુ તેણે તેની છેલ્લી પત્ની સાથે લગ્ન કર્યા ત્યારે તે જ નામનો ઉપયોગ કર્યો હતો.

પ્રથમ ડેટ પર જ કરતો હતો પ્રપોઝ
વિગ્લિયોટોએ 1949 અને 1981 ની વચ્ચે 104-105 સ્ત્રીઓ સાથે લગ્ન કર્યા હતા. તેની કોઈ પત્ની એકબીજાને ઓળખતી ન હતી. તે પણ વિગ્લિઓટ્ટો વિશે બહુ ઓછી જાણતી હતી. એવું કહેવાય છે કે તેણે આ લગ્ન અમેરિકાના 27 અલગ-અલગ રાજ્યો અને 14 અન્ય દેશોમાં કર્યા હતા. દરેક વખતે તે નકલી ઓળખ બનાવીને લગ્ન કરતો હતો.