VIDEO: સ્પર્ધામાં યુવતીને પૂછાયો સવાલ, H2Oનો અર્થ શું? જવાબ જાણી ચક્કર ખાશો

ઢાકા: જો કોઈ પ્રતિષ્ઠિત સ્પર્ધામાં સ્પર્ધક સાવ સામાન્ય સવાલ પર બાઘા મારે તો તમે તેને શું કહેશો. બાંગ્લાદેશમાં એક બ્યુટી કોન્ટેસ્ટ મિસ વર્લ્ડ બાંગ્લાદેશ 2018માં એક સ્પર્ધક યુવતીને ખુબ જ સામાન્ય પ્રશ્ન પૂછાયો. સવાલ હતો H20નો અર્થ શું હોય છે. પરંતુ આ સવાલનો જવાબ આપવામાં યુવતીને ફાંફા પડી ગયા અને તે બાઘા મારવા લાગી. ત્યારબાદ જજે આ સવાલને ફરીથી દોહરાવ્યો. પરંતુ આ બ્યુટી કોન્ટેસ્ટના છેલ્લા પડાવ સુધી પહોંચેલી યુવતી આ સામાન્ય પ્રશ્નનો જવાબ આપી શકી નહી. ત્યારબાદ જજોની પેનલે કહ્યું કે પાણીનો કેમિકલ ફોર્મ્યુલા શું હોય છે. પરંતુ તો પણ કઈ વાત ન બની. યુવતી અને જજ વચ્ચે થયેલી આ વાતચીતનો વીડિયો ખુબ વાઈરલ થઈ રહ્યો છે. 

છેલ્લે જજે પોતે જ યુવતીને જવાબ આપ્યો. કે H2Oનો અર્થ પાણી થાય છે. યુવતીએ પોતાની અજ્ઞાનતાનો બચાવ કરતા કહ્યું કે ઢાકાના ધાનમોડીમાં એક H20 નામની રેસ્ટોરા છે. ત્યારબાદ જજે યુવતીને તેનો ફોર્મ્યુલા સમજાવ્યો.