મોસ્ટ વોન્ટેડ આતંકી દાઉદ ઈબ્રાહિમના ભત્રીજાનું કોરોનાથી મોત

નવી દિલ્હી: ભારતના મોસ્ટ વોન્ટેડ આતંકવાદી દાઉદ ઇબ્રાહિમ (Dawood Ibrahim)ના ભત્રીજાનું કોરોના વાયરસ (Coronavirus)ને કારણે મોત થયું છે. સિરાજ કાસ્કર (Siraj Kaskar) પાકિસ્તાન (Pakistan)માં રહેતા હતા. ગયા અઠવાડિયે, તેમને કોરોનાનાં લક્ષણો મળ્યા બાદ કરાચી (Karachi)ની 24 સશેસ હોસ્પિટલમાં દાખલ કરવામાં આવ્યા હતા. અહીં સિરાજને 24 કલાક ડોકટરોની દેખરેખ હેઠળ રાખવામાં આવ્યો હતો. પરંતુ તેની હાલતમાં સુધારો થયો ન હતો અને તેમનું મોત નીપજ્યું હતું.

આ પણ વાંચો:- ટ્રાયલ માટે જાણીજોઇને કોરોના પોઝિટિવ થશે આ લોકો, મળશે 4-4 લાખ રૂપિયા

દાઉદના મોટા ભાઈનો પુત્ર હતો સિરાજ
મુંબઇ ક્રાઈમ બ્રાંચના અધિકારીઓના જણાવ્યા અનુસાર મૃતક સિરાજ કાસ્કર (38) દાઉદ ઇબ્રાહિમના મોટા ભાઈ સાબીર કાસ્કરનો પુત્ર હતો. અગાઉ, સાબીર કાસ્કર મુંબઈમાં દાઉદની ગેંગનું નેતૃત્વ કરતો હતો. પરંતુ, 12 ફેબ્રુઆરી 1981ના રોજ પઠાણ ગેંગના કહેવા પર ગેંગસ્ટર માન્યા સુર્વે દ્વારા તેને ગોળી મારીને હત્યા કરવામાં આવી હતી. આ હત્યાકાંડ પછી મુંબઈના અંડરવર્લ્ડમાં સર્વોચ્ચતાની લડત શરૂ થઈ. આ ગેંગ વોર પછી દાઉદ ઇબ્રાહિમ મુંબઈ અન્ડરવર્લ્ડનો ડોન બન્યો.

આ પણ વાંચો:- PAKએ ફરી દેખાડ્યો પોતાનો રંગ, શાહ મહમૂદ કૂરેશીએ ભારત માટે કહી આ વાત

કોરોનાને કારણે હોસ્પિટલમાં થયું મોત
મીડિયા રિપોર્ટ્સ અનુસાર, સાબીર કાસ્કરનો પુત્ર સિરાજ કોરોનાથી સંક્રમિત હતો. ગયા અઠવાડિયાથી હોસ્પિટલમાં દાખલ હોવા છતાં, તેની તબિયતમાં સુધારો થયો ન હતો. તેથી, ડોકટરોએ તેને બે દિવસ લાઇફ સપોર્ટ પર રાખ્યો હતો. પરંતુ બુધવારે સવારે સિરાજની હાલત કથળી હતી. તેની નાડી ઓછી થતી રહી અને પછી ઓક્સિજનના અભાવને કારણે તેના શરીરના ઘણા ભાગો નિષ્ફળ ગયા, જેના કારણે તેનું મોત નીપજ્યું.