કોરોનાના ભય વચ્ચે હવે આ નવા ચેપી રોગથી ફફડાટ, સેંકડો માછીમારો ક્વોરન્ટાઈન

ડૈકર: કોરોના (Corona) ના કેરથી આખી દુનિયા ભયભીત છે. પરંતુ હવે નવી નવી બીમારીઓએ દુનિયાને પરેશાન કરવાનું શરૂ કરી દીધુ છે. બોલીવિયામાં રહસ્યમય ફ્લૂ બાદ આફ્રિકી દેશ સેનેગલની રાજધાની ડૈકરમાં રહસ્યમય સમુદ્રી બીમારીએ પગપેસારો કર્યો છે. આ બીમારી સમુદ્રમાં માછલી પકડવા જઈ રહેલા માછીમારોને થાય છે અને તે સતત ફેલાઈ રહી છે. 

માછીમારોને ક્વોરન્ટાઈન કરાયા
થોડા સમય પહેલા એક યુવા માછીમારમાં આ નવી બીમારીના લક્ષણો જોવા મળ્યા હતા. ત્યારબાદ તો જોત જોતામાં સેંકડો માછીમારોમાં આ બીમારી ફેલાઈ ગઈ. સેનેગલના વરિષ્ઠ અધિકારીએ કહ્યું કે આ રહસ્યમય બીમારી અંગે હજુ કોઈ સત્તાવાર માહિતી નથી. તેના લક્ષણો એકદમ અલગ છે અને તેને ઝપેટમાં આવનારા પાંચસોથી વધુ લોકોને ક્વોરન્ટાઈન કરાયા છે. જેથી કરીને અન્ય ઘરોમાં આ બીમારી ન ફેલાય.

ત્વચા સંબંધિત ઝડપથી ફેલાતી ચેપી બીમારી
સેનેગલના માછીમારો જે રીતે આ બીમારીનો ભોગ બની રહ્યા છે તે ત્વચા સંબંધિત છે. તેની કોઈ સારવાર નથી. ત્વચામાં એકદમ ચળ ઉપડ્યા બાદ સડો થવા લાગે છે. પરંતુ સૌથી વધુ જો ડરામણી વાત હોય તો તે એ છે કે આ બીમારી એક માણસથી બીજા માણસમાં ઝડપથી  ફેલાઈ રહી છે.