Oye-Hoye Bado Badi ગીતે લોકોના કાનના પડદા ફાડી નાંખ્યા, ઢિંચાક પૂજા કરતા પણ ખતરનાક ગીત બનાવાયું

Pakistani Singer Chahat Fateh Ali Khan Song : તમે નુસરત ફતેહ અલી ખાન, રાહત ફતેહ અલી ખાન જેવા નામ સાંભળ્યા હતા. તેમના ગીતોના આશિક ગામેગામ છે. તેમના મખમલી અવાજમાં જે જાદુ છે, તેને સાંભળીને લોકો ભાન ભૂલી જાય છે. પરંતુ હાલ એક પાકિસ્તાની ગાયકના ગીતે બધાના કાનના પડદા ફાડી નાંખ્યા છે. આ ગાયકનું નામ છે ચાહત ફતેહ અલી ખાન. આ ગીત સાંભળીને તમે કન્ફ્યૂઝ થઈ જશો. તેમને બનાવેલુ ગીત લોકો માટે ખતરનાક સાબિત થઈ રહ્યું છે. સૌ કોઈ તેમના એક ગીતને ટ્રોલ કરી રહ્યાં છે. 

હાલ સોશિયલ મીડિયામાં એક ગીત ખરાબ રીતે વાયરલ થઈ રહ્યું છે. આવામાં એક પાકિસ્તાની સિંગર ચાહત ફતેહ અલી ખાનનું એક ગીત વાયરલ થઈ ગયું છે. Oye-Hoye Bado Badi ગીત જોરદાર રીતે વાયરલ થયું છે. આ કારણે ચાહત ફતેહ અલી ખાન બેસુરા સિંગરની કેટેગરીમાં આગળ નીકળી ગયા છે. લોકો આ ગીતને ટ્રોલ કરી રહ્યાં છે, તો સાથે જ હવે તેની રીલ્સ બનાવીને મજાક પણ ઉડાવાઈ રહી છે.