Thief: માથા પર લખ્યું હતું `હું ચોર છું`, પછી ચોરી કરતા ઝડપાયો, સામે આવી આ ટેટૂની કહાની

નવી દિલ્હીઃ Tattoo Written On Foreheads: જૂની ફિલ્મોના શોખીન લોકોને અમિતાભ બચ્ચનનો એક સીન યાદ હશે જેમાં તેમના હાથ પર લખ્યું છે કે મારા પિતા ચોર છે. આ પછી, તે તેના લખાણને ભૂંસી નાખવા માટે આખી ફિલ્મમાં સંઘર્ષ કરતો જોવા મળે છે. આવો સાચો ચોર સામે આવ્યો છે, જેના કપાળ પર લખ્યું હતું કે હું ચોર છું. અને કદાચ તેથી જ તે પકડાયો.

હું એક ચોર અને લૂઝર છું'
હકીકતમાં આ કહાની બ્રાઝિલના એક ચોર સંબંધિત છે. ડેલી મેલના એક રિપોર્ટ પ્રમાણે આ યુવકને આશરે પાંચ વર્ષ પહેલા એક સાયકલ ચોરી કરતા ઝડપી લીધો હતો. તેને માર માર્યો અને પોલીસના હવાલે કરતા પહેલાં તેના માથા લખી દીધુ હતું કે હું એક ચોર અને લૂઝર છું. આ વાક્યને તે લોકોએ ટેટૂના રૂપમાં લખાવી દીધું હતું. 

આ પણ વાંચોઃ અફઘાનિસ્તાનના ઐબકમાં નમાજ બાદ મદરેસામાં બોમ્બ બ્લાસ્ટ, 15ના મોત અને 27 ઘાયલ

ફરીથી એક ઘરમાંથી ઝડપાયો
રિપોર્ટ પ્રમાણે તે સમયે આ મામલો ખુબ ચર્ચામાં આવ્યો હતો. પરંતુ બાદમાં આ ચોરને છોડી દેવામાં આવ્યો હતો. હવે આ ચોરથી સંબંધિત વધુ એક કેસ સામે આવ્યો છે. જાણકારી પ્રમાણે આ ચોર હાલમાં ફરી ઘરમાંથી ચોરી કરતા ઝડપાયો છે. ચોરી કરવા માટે તેણે ઘરના બાથરૂમની બારીમાંથી પ્રવેશ કર્યો પરંતુ તે ઝડપાઈ ગયો હતો.