Worlds Biggest Banana: એક કેળું ખાઇને હાથીનું પણ પેટ ભરાઇ જશે! માન્યામાં ન આવતું હોય તો જોઇ લો વિડીયો

Worlds Biggest Banana: કેળા ભારત સહિત સમગ્ર વિશ્વમાં લોકપ્રિય ફળ છે. તેની અંદર રહેલા પૌષ્ટિક તત્વોને કારણે બાળકોથી લઈને વૃદ્ધો સુધી દરેક તેને ખાવાનું પસંદ કરે છે. તમને જણાવી દઈએ કે કેળાની અંદર વિટામીન, ફાઈબર, આયર્ન, કેલ્શિયમ અને પોટેશિયમ જેવા પોષક તત્વો ભરપૂર માત્રામાં મળી આવે છે. ભારતના મોટાભાગના વિસ્તારોમાં કેળા એક ડઝનના ભાવે ખરીદવામાં આવે છે, એક ડઝન એટલે કે 12 કેળા. તેમનું કદ પણ બદલાય છે, કેટલાક કેળા નાના હોય છે અને કેટલાક મોટા હોય છે. જો કે, મોટા કેળા પણ અહીં જોવા મળતા કેળા જેટલા મોટા નથી હોતા. અમે જે કેળા વિશે વાત કરી રહ્યા છીએ તેનું વજન લગભગ 3 કિલો છે અને દેખાવમાં ખુબ મોટું છે.

આ કેળું ક્યાં મળે છે
આ કેળાનો વીડિયો સોશિયલ મીડિયા પર વાયરલ થઈ રહ્યો છે. આ કેળાનો વીડિયો શેર કરતા એક ટ્વિટર યુઝરે માહિતી આપી હતી કે આ સૌથી મોટું કેળું છે અને આ સૌથી મોટું કેળું ઈન્ડોનેશિયા પાસેના પાપુઆ ન્યૂ ગિની ટાપુમાં ઉગાડવામાં આવે છે. આ કેળાનું ઝાડ નારિયેળના ઝાડ જેટલું ઊંચું છે અને તેના ફળો વિશાળ હોય છે. એક કેળાનું વજન લગભગ 3 કિલો છે. આ પોસ્ટ સોશિયલ મીડિયા પર વાયરલ થઈ છે અને આટલું મોટું કેળું જોઈને બધા આશ્ચર્યચકિત થઈ ગયા છે.

રિયલ વીડિયો
કેટલાક લોકો વિચારતા હશે કે આ કેળું નકલી હોઈ શકે છે. જો કે, એવું નથી... કારણ કે વીડિયોમાં એક વ્યક્તિ આ કેળું ખાતા જોવા મળે છે. બીજી તરફ, જ્યારે કોઈ વ્યક્તિ આ કેળાને માપે છે, ત્યારે આ કેળું તેની કોણી જેટલું છે. આ વીડિયોમાં કેળાના ઝાડ પણ દેખાઈ રહ્યા છે અને આ કેળા બજારમાં વેચાતી વખતે પણ દેખાય છે. આ કેળા જોઈને સ્પષ્ટ થાય છે કે આ વીડિયો રિયલ છે અને આ વીડિયોમાં દેખાતું કેળું પણ વાસ્તવિક છે.